არქივი
«« ივლისი 2018 »»
ორ სა ოთ ხუ პა შა კვ
1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31
კურსი
კონვერტორი
USD
1 USD
2.4546
EUR
1 EUR
2.8520
RUB
100 RUB
3.8927
19-07-2018
შოტლანდიაში არსებული აფხაზთა ხსოვნის მემორიალის დემონტაჟი მოხდება
17:47 09-11-2017
შოტლანდიაში არსებული აფხაზთა ხსოვნის მემორიალის დემონტაჟი მოხდება შოტლანდიის ქალაქ კილნმარნოკში ე.წ. აფხაზურ-ქართულ კონფლიქტში დაღუპული აფხაზთა ხსოვნის მემორიალის დემონტაჟი მოხდება. ინფორმაცია ამის შესახებ „ინტერპრესნიუსს“ საქართველოს საგანგებო და სრულუფლებიანმა ელჩმა გაერთიანებულ სამეფოში თამარ ბერუჩაშვილმა დაუდასტურა.

„ინფორმაცია ამ მემორიალის შესახებ სოციალურ ქსელებში გამოჩნდა. საერთოდ საქართველოს საელჩოს და ზოგადად ქართული დიპლომატიის ერთ-ერთი მნიშვნელოვანი ამოცანაა ყველა საშუალების გამოყენება, რათა დაუპირიპირდეს რუსეთის მთავრობის ძალისხმევას, პროპაგანდა გაუწიოს აფხაზეთის და სამხრეთ ოსეთის ე.წ დამოუკიდებლობას. მოგეხსენებათ, ამ მიმართულებით გამოყენებულია მრავალი საშუალება, ეს იქნება სიმბოლიკების გამოყენება, სტატიების გამოქვეყნება, კერძო კომპანიების თანამშრომლობა, სავაჭრო-სამრეწველო პალატების თანამშრომლობა და ა.შ. ჩვენი ამოცაანაა, აღმოვაჩინოთ ასეთი შემთხვევები და გავანეიტრალოთ ჩვენი პარტნიორების მეშვეობით, აქტიური დიალოგით ყველა მხარესთან, განვმარტოთ, იმიტომ, რომ ხშირად ინფორმაცის ნაკლებობაა ხოლმე. საქართველოს ტერიტორიული მთლიანობა და სუვერენიტეტი არის საქართველოს სახელმწიფოს უმნიშვნელოვანესი ამოცანა. ამ მიმართულებით ბრიტანელი პარტნიორები ტრადიციულად ძალიან აქტიურად გვიჭერენ მხარს და ეს გამოიხატება ჩვენი თანამშრომლობით როგორც ორმხრივ, ასევე მრავალმხრივ დონეზე. ამ კონკრეტულ შემთხვევაშიც ძალიან სერიოზული მხარდაჭერა მივიღეთ ლონდონიდან, საგარეო და თანამეგობრობის სამინისტროდან და ასევე, შოტლანდიაში ადგილობრივი ხელისუფლებისგან. პირველ რიგში ჩვენ განვუმარტეთ სიტუაცია (ისტორიული ექსკურსიც საჭირო გახდა) და რუსეთის ოკუპაციის შემდეგ ადგილზე არსებული მდგომარეობა. ერთი თვის წინ იყო ჩემი ვიზიტი შოტლანდიაში, სადაც შეხვედრები გვქონდა ადგილობრივ ხელისუფლებასთან, პარლამენტში და სხვა თემებთან ერთად ამ საკითხს განსაკუთრებული ყურადღება დავუთმეთ. ჩვენ მივიღეთ შეპირება, რომ შოტლანდიის ხელისუფლება დაელაპარაკებოდა ადგილობრივ მთავრობას ქალაქ კილნმარნოკში, განუმარტავდა სიტუაციას. მათ სრულად მიიღეს ინფორმაცია, გაიზიარეს ის მიდგომა, რაც ზოგადად აქვს ბრიტანულ სახელმწიფოს საქართველოს ტერიტორიულ მთლიანობასთან და სუვერენიტეტთან დაკავშირებით და ადგილობრივმა საბჭომ რამდენიმე დღის წინ მიიღო გადაწყვეტილება ამ მონუმენტის დემონტაჟის შესახებ. ეს არის ნამდვილად კარგი შედეგი. ჩვენ ნამდვილად გვაქვს საშუალება, რომ ნდობის და თანამშრომლობის საფუძველზე, რომელიც გაგვაჩნია ჩვენს პარტნიორებთან, ასეთი ფაქტები აღმოვაჩინოთ და გავანეიტრალოთ“, - განაცხადა ბერუჩაშვილმა.

ელჩის თქმით, აღნიშნული მემორიალი სავარაუდოდ, 1993-1996 წლების პერიოდში არის აღმართული - ზუსტი თარიღს ქალაქ კილნმარნოკის ადგილობრივ ხელისუფლებაში ვერ ასახელებენ, ვინაიდან ამ პერიოდში ადგილობრივი მმართველი საბჭოს წარმომადგენლები შეიცვალნენ. თამარ ბერუჩაშვილის ინფორმაციით, სიმართლეს არ შეესაბამება ინფორმაცია თითქოს კილნმარნოკი სოხუმთან დაძმობილებული ქალაქი იყო.


მასალის გამოყენების პირობები
სხვა სიახლეები
სურსათის ეროვნულმა სააგენტომ ზესტაფონში, ავტომაგისტრალზე მდებარე ობიექტები შეამოწმა
სურსათის ეროვნული სააგენტოს ინსპექტირების ჯგუფებმა ზესტაფონის მუნიციპალიტეტში, ცენტრალურ ავტომაგისტრალზე მდებარე საზოგადოებრივი კვების ობიექტები შეამოწმეს.
პედიატრი - ტყვიის მაღალი ან დაბალი შემცველობა არ ნიშნავს, რომ ბავშვს შეიძლება ტყვიით მოწამვლა განუვითარდეს
ტყვიის მაღალი ან დაბალი შემცველობა არ ნიშნავს იმას, რომ ბავშვს შეიძლება განუვითარდეს ტყვიით მოწამვლა,- ამის შესახებ პედიატრმა თემურ მიქელაძემ
„საქსტატი" - იანვარ-ივნისში საგარეო სავაჭრო ბრუნვამ 5 985.9 მლნ დოლარი შეადგინა, რაც წინა წლის შესაბამის მაჩვენებელზე 24.3%-ით მეტია
მიმდინარე წლის იანვარ-ივნისში საქართველოში საქონლით საგარეო სავაჭრო ბრუნვამ (არადეკლარირებული ვაჭრობის გარეშე) 5 985.9 მილიონი
არაგვისპირელის ქუჩაზე ახალი სკვერი მოეწყო
ჩუღურეთის რაიონში, არაგვისპირელის N10-ში ახალი სკვერი მოეწყო. როგორც „ინტერპრესნიუსს“ თბილისის მერიიდან აცნობეს, აღნიშნულ ტერიტორიაზე
მოკრივე ავთანდილ ხურციძე - საქართველოს დროშის ხელში დამკავებელი აღარ ვარ
საქართველოს მთავრობა არასდროს შეხვდა ჩემს წარმატებას ხელგაშლილი. ამის მიზეზიც ვიცი, მე არც ერთ მთავრობას დავყვებოდი მიტინგებზე ხალხის
უბისა-შორაპნის მონაკვეთის მშენებლობაზე ტენდერი გამოცხადდა
რიკოთის საუღელტეხილო გზის უბისა-შორაპნის მონაკვეთის მშენებლობაზე ტენდერი გამოცხადდა. როგორც „ინტერპრესნიუსს“ საქართველოს საავტომობილო გზების
1-ელ იანვრიდან დღემდე, ტექნოგენური დანაგროვის უკანონო მოპოვების 270 ფაქტი გამოვლინდა
1-ელ იანვრიდან დღემდე , ტექნოგენური დანაგროვის (სილიკო-მანგანუმის ნარჩენის) უკანონო მოპოვების 270 ფაქტი გამოვლინდა.
მიხეილ ბატიაშვილი განათლებისა და მეცნიერების სამინისტროს თანამშრომლებს შეხვდა
საქართველოს განათლების, მეცნიერების, კულტურისა და სპორტის მინისტრმა, მიხეილ ბატიაშვილმა, განათლებისა და მეცნიერების სამინისტროს თანამშრომლებთან
“თიბისი სტატუსი” და კომპანია “ისთერნ პრომოუშენსი” შავი ზღვის რიგით მე-12 ჯაზ ფესტივალს წარმოადგენენ
19-22 ივლისს, შავი ზღვის სანაპირო რიგით მე-12 ჯაზ ფესტივალს უმასპინძლებს, - ამის შესახებ „ინტერპრესნიუსს“ „თიბისი ბანკიდან“ აცნობეს.
1 აშშ დოლარის ოფიციალური ღირებულება 2.4546 ლარი გახდა
1 აშშ დოლარის ოფიციალური ღირებულება 2.4546 ლარი გახდა. ეროვნული ბანკის მიერ გამოქვეყნებული მონაცემების თანახმად, გუშინდელი ვაჭრობის შედეგად აშშ