არქივი
კურსი
კონვერტორი
USD
1 USD
2.4505
EUR
1 EUR
2.9129
RUB
100 RUB
3.9418
11-05-2018
მამუკა სალუქვაძე - გენგეგმას მერიას დღეს წარვუდგენთ, რა შენიშვნებიც გასათვალისწინებელი იყო, გავითვალისწინეთ - კარგი იქნება, რომ წაიკითხონ, მივუთითებთ გვერდებს, სად რა წერია
12:40 03-01-2018
მამუკა სალუქვაძე - გენგეგმას მერიას დღეს წარვუდგენთ, რა შენიშვნებიც გასათვალისწინებელი იყო, გავითვალისწინეთ - კარგი იქნება, რომ წაიკითხონ, მივუთითებთ გვერდებს, სად რა წერია თბილისის მიწათსარგებლობის გენერალური გეგმა დედაქალაქის მერიას დღეს წარედგინება, - ამის შესახებ „ინტერპრესნიუსს“ დედაქალაქის მიწათსარგებლობის გენერალურ გეგმაზე მომუშავე ჯგუფის, „სითი ინსტიტუტ საქართველოს“ დირექტორმა მამუკა სალუქვაძემ განუცხადა.

როგორც სალუქვაძემ განმარტა, გენგეგმაზე მომუშავე ჯგუფმა დედაქალაქის მერიის შენიშვნები ნაწილობრივ გაითვალისწინა, „შენიშვნების ნაწილი კი გასათვალისწინებელი საერთოდ არ იყო“.

„დღეს წარედგინება მერიას ჩვენი პასუხები შენიშვნებთან დაკავშირებით. რაც გასათვალისწინებელი იყო, გათვალისწინებულია, რაც არ იყო გასათვალისწინებელი, პასუხად გვაქვს მიწერილი, რომ ეს არ არის გასათვალისწინებელი და წარმოდგენილი გვაქვს ჩვენი არგუმენტები.

მაგალითად, ზონირების საკითხთან დაკავშირებით მათ აქვთ თავიანთი აზრი, ჩვენ - ჩვენი და ვაყენებთ არგუმენტებს, რის გამო უნდა იყოს ისე, როგორც გენგეგმაშია მოცემული. არის კიდევ შეკითხვები, სადაც ისინი განმარტებას ითხოვენ და ეს შენიშვნაც არ არის.

დასაბუთების ნაწილი გენგეგმას არ აკლია. ყველაფერი არის ტექსტში მოცემული და კარგი იქნება, რომ წაიკითხონ არქიტექტურის სამსახურში. მივუთითებთ გვერდებს, სად რა წერია და რამ გამოიწვია ზონების ცვლილება, რომელ ზონაში რა იგულისხმება და ა.შ.

1250 გვერდიანი ტექსტია და ეტყობა, დროის მცირე მონაკვეთში არქიტექტურის სამსახურს ამის გაგება უჭირს. ვდგევართ ახლა და ვუთითებთ. ავუხსენით კიდეც გარკვეული საკითხები შეხვედრებზე“, - განაცხადა სალუქვაძემ.

მისივე თქმით, „თბილისს მიწათსარგებლობის ძალიან კარგი გეგმა აქვს“.

„ახლა მთავარია მისი მიღება. თბილისის გენგეგმის დასრულებული ვარიანტი უკვე არსებობს. 5 ეტაპი მიღებული და დამტკიცებულია, შესრულებულია ბოლო ეტაპიც და მერიას წინ უდევს, ახლა მასზეა დამოკიდებული, რას როგორ გააკეთებს.

მარტო მე არ ვამბობ, რომ ეს კარგი დოკუმენტია ქალაქის განვითარებისთვის. ეკონომიკის სამინისტროს თავის წერილში მოწერილი აქვს, რომ მაღალპროფესიონალურად არის შესრულებული გენგეგმის დოკუმენტი.

მერიას ჩვენს წინააღმდეგ მიზანმიმართულ ქმედებაში ვერ დავადანაშაულებ, რომ ამ გენგეგმის მიღება არ სურს. გენგეგმის დამკვეთი, არქიტექტურის სამსახურის ხელმძღვანელობა ახალი მოსულია, 5-ჯერ შეიცვალა სამსახურების უფროსები, ყველას თავისი აზრი და შეხედულება აქვს. ამ შეხედულებებიდან გამომდინარე, რაღაც პრობლემები აქვთ დოკუმენტთან მიმართებაში, მაგრამ ჩვენც გვაქვს ჩვენი პრინციპები, რისი ღალატიც არ გვინდა, რომ თითოეული ადამიანი, რომელიც მოვა არქიტექტურის სამსახურის უფროსად, მისი შეხედულებებისამებრ ვაკეთოთ დოკუმენტი. ქალაქის ხელმძღვანელობას ნამდვილად უნდა კარგი დოკუმენტი ჰქონდეს, ეს არაერთხელ განუცხადებია, მაგრამ არის დამკვეთი, რომელსაც გარკვეული პრობლემები აქვს. ჩემთვის ძნელია ამ პრობლემების შესახებ გითხრათ. ეს ალბათ, არქიტექტურის სამსახურმა იცის და მან უნდა თქვას.
ჩემი პირადი აზრი თუ გაინტერესებთ, ეს არის ძალიან საპასუხისმგებლო დოკუმენტი, რომელიც ქალაქის არქიტექტურის სამსახურის და მთელი სისტემის ცვლილებას მოითხოვს. გადაწყობაა საჭირო, რადგან ეს ძირეული, სტრატეგიული დოკუმენტია. დასამუშავებელია მეორე ეტაპის ქალაქგეგმარებითი დოკუმენტები, სტრუქტურაა შესაქმნელი, მართვის პრინციპებია ჩამოსაყალიბებელი. ქალაქს აქვს დოკუმენტი, რომელმაც უნდა დაარეგულიროს ის ქაოტური სიტუაცია, რომელიც აქამდე იყო. ბუნებრივია, პასუხისმგებლობა და ვალდებულებაც დიდია სამსახურის მხრიდან. მესმის, რომ ამ სამსახურს სურს ისეთი დოკუმენტი ჰქონდეს, რომელსაც კარგად მოირგებს, მაგრამ ერთია, რა უნდა დამკვეთს და მეორეა, რა ხელშეკრულებაა დადებული და საერთოდ როგორ მუშაობს მიწათსარგებლობის გენერალური გეგმა. ჩვენი აზრით, ამ გეგმის ძირითადი პრინციპები დოკუმენტის შექმნისას ზედმიწევნით დავიცავით. შესაძლოა, არქიტექტურის სამსახურს უფრო დაწვრილებითი, დეტალური დოკუმენტი უნდა, რასაც ჩვენ გეგმარებითი დავალებიდან და ხელშეკრულებიდან გამომდინარე ვერ ვთავაზობთ. არის სხვა ეტაპის ქალაქგეგმარებითი დოკუმენტი, რომელზეც კონკურსი ცალკე უნდა გამოცხადდეს და შემუშავდეს. ეს უკვე შემდეგი ეტაპია. მაგრამ თუ სურთ ქაოტური სიტუაციის მოგვარება, მათ დოკუმენტი უკვე აქვთ“, - განაცხადა სალუქვაძემ.

შეგახსენებთ, რომ თბილისის მერიას „სითი ინსტიტუტ საქართველოს“ მიერ შემუშავებულ, დედაქალაქის მიწათსარგებლობის გენერალურ გეგმასთან დაკავშირებით შენიშვნები აქვს, რის გამოსასწორებლადაც შესაბამის ჯგუფს 10-დღიანი ვადა მისცა. ვადა დღეს იწურება.

მასალის გამოყენების პირობები
სხვა სიახლეები
დავით გარეჯის სამონასტრო კომპლექსის ტერიტორიაზე უნიკალური ფრესკები დააზიანეს
დავით გარეჯის სამონასტრო კომპლექსის ტერიტორიაზე, უდაბნოს მთავარ ეკლესიასა და სატრაპეზოში უნიკალური ფრესკები დააზიანეს.
რატი კაპანაძე - 3 ივნისს მოგვიწევს მეტროპოლიტენის გაჩერება
3 ივნისს მოგვიწევს გადასვლა საგაფიცვო პერიოდზე და მეტროპოლიტენის გაჩერება, - ამის შესახებ მეტრო “რუსთაველთან” მიმდინარე აქციაზე
ლელა ბაქრაძე - 2014 წლის მოსახლეობის საყოველთაო აღწერამ დღის წესრიგში დააყენა წინა წლების დემოგრაფიული მონაცემების გადაანგარიშების აუცილებლობა 2014 წლის აღწერის მონაცემებზე დაყრდნობით
საქსტატს მაღალი ხარისხის ტექნიკური დახმარება გავუწიეთ იმისათვის, რომ პროცესი მეთოდოლოგიურად გამართული ყოფილიყო, - ამის შესახებ
ტურიზმის ეროვნული ადმინისტრაციის ორგანიზებით მე-4 სამოგზაურო მედია ფორუმი გაიმართა
ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით მე-4 სამოგზაურო მედია ფორუმი გაიმართა.
გიორგი აბაშიშვილმა თბილისის ტექნოპარკში „სტარტაპ კვირეული“ გახსნა
პრეზიდენტის ადმინისტრაციის ხელმძღვანელმა გიორგი აბაშიშვილმა თბილისის ტექნოპარკში „სტარტაპ კვირეული“ გახსნა.
„რუსთაველის“ მეტროს მიმდებარე ტერიტორიაზე თბილისის მეტროპოლიტენის თანამშრომლების სოლიდარობის აქცია მიმდინარეობს
„რუსთაველის“ მეტროს მიმდებარე ტერიტორიაზე “ერთობა-2013"-ის და „ადამიანის უფლებების სწავლებისა და მონიტორინგის ცენტრის“ (EMC) ორგანიზებით აქცია მიმდინარეობს.
შშმ და პალიატიური მზრუნველობის პაციენტებისთვის უფასო იურიდიული დახმარების პროგრამა იწყება
ადვოკატთა ასოციაციის თავმჯდომარემ, დავით ასათიანმა და ფონდ „ღია საზოგადოება - საქართველო”-ს აღმასრულებელმა დირექტორმა, ქეთევან
საკრებულოში „ვარდების რევოლუციის მოედნისთვის“ პირველი რესპუბლიკის სახელის მინიჭებაზე საჯარო განხილვა გაიმართა
თბილისის საკრებულოში გეოგრაფიული ობიექტების სახელდების ინიციატივების საჯარო განხილვა და სახელდებისა და სიმბოლიკის კომისიის სხდომა გაიმართა.
“ვარდების რევოლუციის მოედნისთვის” სახელის გადარქმევის საკითხს ხვალ თბილისის საკრებულოს სიმბოლიკისა და სახელდების კომისია ხელახლა განიხილავს
“ვარდების რევოლუციის მოედნისთვის” პირველი დემოკრატიული რესპუბლიკის სახელის მინიჭების საკითხს ხვალ თბილისის საკრებულოს
სალომე ზურაბიშვილი - ვარდების რევოლუციის მოედანს დამოუკიდებლობის სახელი უნდა ეწოდოს
თბილისის საკრებულოში გეოგრაფიული ობიექტების სახელდების ინიციატივების საჯარო განხილვაზე პარლამენტის დეპუტატმა სალომე ზურაბიშვილმა