არქივი
კურსი
კონვერტორი
USD
1 USD
2.4505
EUR
1 EUR
2.9129
RUB
100 RUB
3.9418
11-05-2018
თბილისის მიწათსარგებლობის გენგეგმაზე მომუშავე ჯგუფი მერიისგან დაკისრებული 140 ათას ლარიანი ჯარიმის გაუქმებას ითხოვს
13:00 03-01-2018
თბილისის მიწათსარგებლობის გენგეგმაზე მომუშავე ჯგუფი მერიისგან დაკისრებული 140 ათას ლარიანი ჯარიმის გაუქმებას ითხოვს თბილისის მიწათსარგებლობის გენერალურ გეგმაზე მომუშავე ჯგუფი დედაქალაქის მერიისგან დაკისრებული 140 ათას ლარიანი ჯარიმის გაუქმებას ითხოვს.

ამის შესახებ „ინტერპრესნიუსს“ გენგეგმაზე მომუშავე ჯგუფის - „სითი ინსტიტუტ საქართველოს“ დირექტორმა მამუკა სალუქვაძემ განუცხადა.
სალუქვაძე არ გამორიცხავს, რომ ჯარიმის გასაუქმებლად სასამართლოსაც მიმართონ.

მისივე თქმით, ჯარიმა, რომელიც დედაქალაქის მერიამ ჯგუფს გენგეგმასთან მიმართებაში გამოთქმული შენიშვნების გაუთვალისწინებლობის გამო დააკისრა, არასამართლიანია.

„გავაკეთეთ ანალიზი, იყო თუ არა 140 ათას ლარიანი ჯარიმა სამართლიანი, შენიშვნები კი რეალური. როგორც ჩვენ დოკუმენტაციის ანალიზი გვაჩვენებს, ეს არ იყო ის შემთხვევა, რომ 140 ათასი ლარით დავჯარიმებულიყავით. ჩვენ ამ ჯარიმის გადახედვას და გაუქმებას მოვითხოვთ. ჯარიმა ხელშეკრულებით გათვალისწინებულ პუნქტებს არ პასუხობს და, რა თქმა უნდა, მოვითხოვთ მის გაუქმებას. ჩვენს წერილს და დასაბუთებას ჯარიმის გაუქმების თაობაზე მერიას, არქიტექტურის სამსახურს დღეს წარვუდგენთ“, - განაცხადა სალუქვაძემ.
მისივე განმარტებით, ჯარიმა სამართლიანი მხოლოდ მაშინ იქნებოდა, თუ გენგეგმაზე მომუშავე ჯგუფი ერთიდაიგივე საკითხზე შენიშვნას სამჯერ მიიღებდა, მაგრამ მის გამოსწორებას ვერ შეძლებდა. სალუქვაძის თქმით, მსგავსი შენიშვნები მერიისგან არ მიუღიათ.

„ერთი და იგივე შენიშვნა არ უნდა იყოს სამჯერ წარდგენილი და გაუთვალისწინებელი. ამ შემთხვევაში ჯარიმა სამართლიანი იქნებოდა. მაგრამ მერიისგან რომ ხარვეზების წერილს და არა შენიშვნებს, მივიღებთ სამჯერ, ეს ავტომატურად არ ნიშნავს, რომ ჯგუფი უნდა დაჯარიმდეს 140 ათასი ლარით. ერთი და იგივე შენიშვნა უნდა მოვიდეს სამჯერ, რომელიც ვერ უნდა გამოვასწოროთ. აქედან გამომდინარე, მივმართავთ არქიტექტურის სამსახურს, რომ გაგვიუქმოს ჯარიმა და გადახედონ თავიანთ პოზიციას“, - აღნიშნა სალუქვაძემ.

რაც შეეხება იმას, რომ მერიის არქიტექტურის სამსახურში არ გამორიცხავენ აღნიშნულ ჯგუფთან ხელშეკრულების საერთოდ გაუქმებას იმ შემთხვევაში, თუ მათი შენიშვნების გათვალისწინება არ მოხდება, სალუქვაძის განცხადებით, მერიის არგუმენტები ხელშეკრულების გასაწყვეტად საკმარისი არ არის.
„იმ შენიშვნებთან დაკავშირებით, რაც მერიას ჰქონდა, ხელშეკრულების გაწყვეტა არასამართლიანი იქნება. ეს არ არის იმ დონის შენიშვნები და ხშირად ეს შენიშვნაც არ არის, რომ ხელშეკრულება გაგვიწყვიტონ. მერიის პრეროგატივაა რას იზამს, მაგრამ იმედია, ჩვენც დაგვრჩება მოქმედების საშუალება. ყველაფერი დამოკიდებულია დამკვეთსა და შემსრულებელს შორის ურთიერთობაზე“, - განაცხადა სალუქვაძემ და არ გამორიცხა, რომ მერიას შენიშვნები გენგეგმასთან დაკავშირებით ისევ ჰქონდეს.

„როგორც ვატყობ, ყველაფერი შეიძლება მოხდეს. აქედან გამომდინარე, ჩვენ იმედი გვაქვს, რომ კახა კალაძესთან და მის გუნდთან მოხდება შეხვედრა და საკითხების განხილვა.

შესაძლოა, სასამართლოსაც მივმართოთ ჯარიმის გაუქმების მოთხოვნით. ის, რაც დასაშვებია, ყველაფერს გამოვიყენებთ, მაგრამ ჩვენ არ გვინდა სასამართლო და დავებში შესვლა, ჩვენ გვინდა მერიამ მიიღოს ეს დოკუმენტი და აღიაროს, რომ ის კარგი დოკუმენტია. შემდგომში თანამშრომლობაზე და კონსულტაციებზე უარს არ ვამბობთ, პირიქით, დავეხმარებით დამკვეთს, რომ კარგად გაიგოს ეს რა დოკუმენტია და განახორციელოს ცხოვრებაში“, - განუცხადა სალუქვაძემ „ინტერპრესნიუსს“.

შეგახსენებთ, რომ თბილისის მერიამ „სითი ინსტიტუტ საქართველო“ დედაქალაქის მიწათსარგებლობის გენერალურ გეგმაზე სამჯერ შენიშვნების გაუთვალისწინებლობისთვის 140 ათასი ლარით დეკემბრის ბოლოს დააჯარიმა და დოკუმენტის სრულყოფისთვის 10-დღიანი ვადა მისცა. როგორც მერიაში აცხადებდნენ, შენიშვნები ძირითადად ტრანსპორტის განვითარების, გამწვანების და განაშენიანების, ზონირებისა და მშენებლობის საკითხებს ეხებოდა.

ცნობისთვის, გენგეგმაზე მუშაობა 2015 წელს დაიწყო და დოკუმენტის შესაქმნელად 2 800 000 ლარი გამოიყო. მიმდინარე წლის ზაფხული-შემოდგომის პერიოდში „სითი ინსტიტუტ საქართველოს“ მიერ შემუშავებული გენერალური გეგმა გასაჯაროვადა და მისი საჯარო განხილვებიც მიმდინარეობდა, რის შემდეგაც ექსპერტების მიერ გამოთქმული მოსაზრებების გათვალისწინება და გენერალურ გეგმაში ასახვა მოხდა. შედეგად, გენგეგმის განახლებული ვარიანტი მერიას 20 ნოემბერს წარედგინა.

მასალის გამოყენების პირობები
სხვა სიახლეები
დავით გარეჯის სამონასტრო კომპლექსის ტერიტორიაზე უნიკალური ფრესკები დააზიანეს
დავით გარეჯის სამონასტრო კომპლექსის ტერიტორიაზე, უდაბნოს მთავარ ეკლესიასა და სატრაპეზოში უნიკალური ფრესკები დააზიანეს.
რატი კაპანაძე - 3 ივნისს მოგვიწევს მეტროპოლიტენის გაჩერება
3 ივნისს მოგვიწევს გადასვლა საგაფიცვო პერიოდზე და მეტროპოლიტენის გაჩერება, - ამის შესახებ მეტრო “რუსთაველთან” მიმდინარე აქციაზე
ლელა ბაქრაძე - 2014 წლის მოსახლეობის საყოველთაო აღწერამ დღის წესრიგში დააყენა წინა წლების დემოგრაფიული მონაცემების გადაანგარიშების აუცილებლობა 2014 წლის აღწერის მონაცემებზე დაყრდნობით
საქსტატს მაღალი ხარისხის ტექნიკური დახმარება გავუწიეთ იმისათვის, რომ პროცესი მეთოდოლოგიურად გამართული ყოფილიყო, - ამის შესახებ
ტურიზმის ეროვნული ადმინისტრაციის ორგანიზებით მე-4 სამოგზაურო მედია ფორუმი გაიმართა
ეკონომიკისა და მდგრადი განვითარების სამინისტროს ტურიზმის ეროვნული ადმინისტრაციის ორგანიზებით მე-4 სამოგზაურო მედია ფორუმი გაიმართა.
გიორგი აბაშიშვილმა თბილისის ტექნოპარკში „სტარტაპ კვირეული“ გახსნა
პრეზიდენტის ადმინისტრაციის ხელმძღვანელმა გიორგი აბაშიშვილმა თბილისის ტექნოპარკში „სტარტაპ კვირეული“ გახსნა.
„რუსთაველის“ მეტროს მიმდებარე ტერიტორიაზე თბილისის მეტროპოლიტენის თანამშრომლების სოლიდარობის აქცია მიმდინარეობს
„რუსთაველის“ მეტროს მიმდებარე ტერიტორიაზე “ერთობა-2013"-ის და „ადამიანის უფლებების სწავლებისა და მონიტორინგის ცენტრის“ (EMC) ორგანიზებით აქცია მიმდინარეობს.
შშმ და პალიატიური მზრუნველობის პაციენტებისთვის უფასო იურიდიული დახმარების პროგრამა იწყება
ადვოკატთა ასოციაციის თავმჯდომარემ, დავით ასათიანმა და ფონდ „ღია საზოგადოება - საქართველო”-ს აღმასრულებელმა დირექტორმა, ქეთევან
საკრებულოში „ვარდების რევოლუციის მოედნისთვის“ პირველი რესპუბლიკის სახელის მინიჭებაზე საჯარო განხილვა გაიმართა
თბილისის საკრებულოში გეოგრაფიული ობიექტების სახელდების ინიციატივების საჯარო განხილვა და სახელდებისა და სიმბოლიკის კომისიის სხდომა გაიმართა.
“ვარდების რევოლუციის მოედნისთვის” სახელის გადარქმევის საკითხს ხვალ თბილისის საკრებულოს სიმბოლიკისა და სახელდების კომისია ხელახლა განიხილავს
“ვარდების რევოლუციის მოედნისთვის” პირველი დემოკრატიული რესპუბლიკის სახელის მინიჭების საკითხს ხვალ თბილისის საკრებულოს
სალომე ზურაბიშვილი - ვარდების რევოლუციის მოედანს დამოუკიდებლობის სახელი უნდა ეწოდოს
თბილისის საკრებულოში გეოგრაფიული ობიექტების სახელდების ინიციატივების საჯარო განხილვაზე პარლამენტის დეპუტატმა სალომე ზურაბიშვილმა