არქივი
«« აგვისტო 2018 »»
ორ სა ოთ ხუ პა შა კვ
1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31
კურსი
კონვერტორი
USD
1 USD
2.5779
EUR
1 EUR
2.9344
RUB
100 RUB
3.8267
18-08-2018
ირაკლი ქადაგიშვილი - პანკისის ხეობის უხუცესებზე გარკვეული ზეწოლა მიმდინარეობს
21:49 03-01-2018
ირაკლი ქადაგიშვილი - პანკისის ხეობის უხუცესებზე გარკვეული ზეწოლა მიმდინარეობს კახეთის გუბერნატორის, ირაკლი ქადაგიშვილის განცხადებით, პანკისის ხეობის უხუცესებზე გარკვეული სახის ზეწოლა მიმდინარეობს. ქადაგიშვილი არ აკონკრეტებს, ვინ ახდენს ზეწოლას, თუმცა აცხადებს, რომ ზეწოლა მიმდინარეობს საინფორმაციო წყაროებიდან დაწყებული, „სხვა წყაროებით“ დამთავრებული.

როგორც ქადაგიშვილმა ტელეკომპანია ”პალიტრანიუსის” გადაცემაში ”360 გრადუსი” განაცხადა, ყველა დეტალს თავადაც არ იცნობს.

”უხუცესებზე მიდის გარკვეული ზეწოლა. ეს ხდება საინფორმაციო წყაროებიდან დაწყებული ყველა წყაროთი დამთავრებული. ამ ადამიანებს ჯვარედინი დაკითხვების ქვეშ აქცევენ, რომ რამე წამოაცდევინონ. ნუ გვგონია, რომ მარტივად არის სიტუაცია. სიტუაცია რთულია და ამ ხალხმა დაინახა, რომ სირთულესთან ერთობლივად დგომაა საჭირო. აქ საუბარია ახალგაზრდების მოტაცებაზე ტერორისტებისგან, ასე ვითარდება ტერორიზმი”, - აღნიშნა ქადაგიშვილმა.

მანვე დღევანდელ შეხვედრაზეც ისაუბრა და განაცხადა, რომ ამ შეხვედრას არა მხოლოდ უხუცესები, არამედ ზოგადად, პანკისის ხეობის მოსახლეობა ესწრებოდა.

”შეხვედრაზე ძირითადად ვისაუბრეთ იმ მთავარ პრობლემაზე და გზავნილზე, რომ მთავარია შენარჩუნდეს მშვიდობა და ერთობა ხეობასა და მთლიანად ქვეყანაში. იმაზე, რომ გამოძიებამ უნდა განაგრძოს მუშაობა და ყველა კითხვაზე პასუხი გასცეს, არავინ დავობს. მთავარი აქცენტი, რაზეც ვისაუბრეთ, არის ის, რომ არსებობს ისეთი საფრთხეები, მათ შორის ტერორისტული საფრთხეები, რომლებიც თანაბრად პრობლემურია ჩვენი ქვეყნის საზოგადოების ყველა წევრისთვის და განსხვავება ქისტს, ქართველს თუ სხვებს შორის, არ უნდა იყოს. ჩვენი ერთად ყოფნა და გააზრებული ქმედებები ყველაზე აუცილებელია ამ საფრთხესთან გასამკლავებლად და ასევე იმისთვის, რომ ეს სიტუაცია ვინმემ არ გამოიყენოს სიტუაციის დაძაბვისთვის”, - აღნიშნა ქადაგიშვილმა.

რაც შეეხება სუს-ის მაღალჩინოსნებისა და უხუცესებს შორის რამდენიმე დღის წინ გამართულ შეხვედრას, გუბერნატორის თქმით, ამ შეხვედრაზე მოხდა გარკვეული მასალების ჩვენება, სადაც ჩანს პანკისის ხეობაში სპეცოპერაციის დროს დაკავებული პირების გაბრიელ სალოსის გამზირზე დაკავებულ და ლიკვიდირებულ პირებთან კავშირი.

”ეს შეხვედრა რამდენიმე დღით ადრე შედგა. გამოძიებამ და უშიშროების სამსახურმა ჩათვალა საჭიროდ, გამომდინარე საკითხის აქტუალობიდან და პანკისის ხეობის სენსიტიურობიდან, ასევე იმისთვის, რომ ადამიანებში არ გაღვივებულიყო ისეთი დამოკიდებულება, თითქოს მთავრობამ ან უშიშროებამ ჩაატარა რაღაც მიზანმიმართული ოპერაცია მაინც და მაინც პანკისელების ან ქისტების წინააღმდეგ. ამ ადამიანებს რამდენიმე მასალა აჩვენეს, საიდანაც ჩანს, რომ იმ ადამიანებს, რომლების წინააღმდეგაც სპეცოპერაცია ჩატარდა, ჰქონდათ კავშირი იმ ხალხთან, ვინც დააპატიმრეს და ლიკვიდირებული არიან გაბრიელ სალოსის გამზირზე მომხდარი სპეცოპერაციის დროს. ანუ ეს არის რეალური საფრთხე, რომელიც ჩვენ ყველას გვემუქრება. იქ ჩვენ ყველამ, მათ შორის უხუცესებმა დავინახეთ, რომ ამ ადამიანებს აქვთ კავშირი ამ ხალხთან. დანარჩენი რა სახის არის კავშირი, რამდენად ღრმაა, სადამდე მიდის, ვის რა ფუნქცია ჰქონდა, ამას გამოძიება იტყვის. ჩვენ მცირედი მასალა გვანახეს ალბათ და ამ მცირედი მასალით გვითხრეს, რომ ეს არი იყო ოპერაცია, რომელიც ჰაერზე ჩატარდა. ეს სპეცოპერაცია გამომდინარეობდა იმ საფრთხიდან, რა საფრთხეც აღიკვეთა თბილისში და ასევე იმ საფრთხიდან, რაც ზოგადად არსებობდა. სპეცსამსახურის წარმომადგენლებმა განმარტეს, რომ არავის უნდოდა იმ ადამიანის ლიკვიდაცია, პირიქით გამოძიება დაინტერესებულია, რომ ყველა მაქსიმალურად ჯანმრთელად აეყვანათ, რათა მათგან კიდევ უფრო მეტი ინფორმაცია მიეღოთ როგორც ტერორისტულ აქტებთან დაკავშირებით, ასევე სხვა საკითხებზე”, - განაცხადა გუბერნატორმა.


მასალის გამოყენების პირობები

სხვა სიახლეები
დაკარგულია პანამის დროშის ქვეშ მცურავი გემი, რომელზეც 17 ქართველი მეზღვაური იმყოფება
დაკარგულია პანამის დროშის ქვეშ მცურავი გემი, რომელზეც 17 ქართველი მეზღვაური იმყოფება. საგარეო საქმეთა სამინისტროს ინფორმაციით, გემთან - Pantelena IMO 9321469,
ხვალ ქართული ანბანისა და დამწერლობის ისტორიისადმი მიძღვნილი კატალოგის - “ანბანი, როგორც ისტორია“ პრეზენტაცია გაიმართება
საქართველოს ხელოვნების სასახლეში ხვალ, ქართული ანბანისა და დამწერლობის ისტორიისადმი მიძღვნილი კატალოგის - “ანბანი, როგორც ისტორია“ პრეზენტაცია გაიმართება.
პროექტის - “ჩემი ხმა გადამწყვეტია“ ფინალური ღონისძიება ხვალ გაიმართება
თბილისის საკრებულოს სხდომათა დარბაზში ხვალ, “კარგი მმართველობის ინსტიტუტის“ (GGI) ორგანიზებით პროექტის - “ჩემი ხმა გადამწყვეტია“ ფინალური ღონისძიება,
ჩეხეთის განვითარების სააგენტოს და თბილისის სახელმწიფო სამედიცინო უნივერსიტეტს შორის ორმხრივი ურთიერთგაგების მემორანდუმი გაფორმდა
საქართველოში ჩეხეთის რესპუბლიკის საელჩოში, ჩეხეთის განვითარების სააგენტოს და თბილისის სახელმწიფო სამედიცინო უნივერსიტეტს შორის ორმხრივი
ფერმერთა ასოციაცია - აგროწარმოების ხელშეწყობის პროგრამაში პრიორიტეტად 30 წლამდე ახალგაზრდების ჩართულობა განისაზღვრება
აგროწარმოების ხელშეწყობის პროგრამაში პრიორიტეტად 30 წლამდე მამაკაცებისა და ასაკის შეუზღუდავად ქალების ჩართულობა განისაზღვრება.
“საქაერონავიგაციამ“ თანამედროვე რადიოსალოკაციო სისტემები დაამონტაჟა
თბილისში, გუდაურში, ბაკურიანსა და წნორში ეკონომიკისა და მდგრადი განვითარების სამინისტროს შპს „საქაეროგენერაციამ“ თანამედროვე რადიოსალოკაციო სისტემა
ტურიზმის ადმინისტრაცია ქართული კულინარიის განვითარების მიზნით ღონისძიებების ჩატარებას გეგმავს
ეკონომიკისა და მდგრადი განვითარების სამინისტროს ტურიზმის ეროვნული ადმინისტრაცია ქართული კულინარიის განვითარების მიზნით არაერთი ღონისძიების ჩატარებას გეგმავს.
სახელმწიფო შესყიდვების სააგენტოს განცხადებით, პრემიერის ინიციატივა საჯარო შესყიდვების სისტემის ტრანსფორმირებასთან დაკავშირებით, უმნიშვნელოვანესია
სახელმწიფო შესყიდვების სააგენტოს განცხადებით, პრემიერ-მინისტრის ინიციატივა საჯარო შესყიდვების სისტემის ტრანსფორმირებასთან დაკავშირებით, უმნიშვნელოვანესია.
ირაკლი ნადირაძე - ურბანული განვითარების საქალაქო სამსახურის უფროსად დაგვინიშნეს არა ურბანისტი, არამედ ივანიშვილის კომპანიებში მომუშავე ადამიანი
თბილისის ურბანული განვითარების საქალაქო სამსახურის უფროსად დაგვინიშნეს არა ურბანისტი, არამედ ბიძინა ივანიშვილის კომპანიებში მომუშავე ადამიანი,
1 აშშ დოლარის ოფიციალური ღირებულება 2.5779 ლარი გახდა
1 აშშ დოლარის ოფიციალური ღირებულება 2.5779 ლარი გახდა. ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად აშშ