არქივი
«« იანვარი 2018 »»
ორ სა ოთ ხუ პა შა კვ
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31
კურსი
კონვერტორი
USD
1 USD
2.5463
EUR
1 EUR
3.1154
RUB
100 RUB
4.4951
18-01-2018
სს „ჰიუნდაი ავტო საქართველო“ კონკურენციის სააგენტოს მოუწოდებს, შპს „სიტროენ ჯორჯიას“ სარჩელი დაუშვებლად ცნოს
16:10 12-01-2018
სს „ჰიუნდაი ავტო საქართველო“ კონკურენციის სააგენტოს მოუწოდებს, შპს „სიტროენ ჯორჯიას“ სარჩელი დაუშვებლად ცნოს სააქციო საზოგადოება "ჰიუნდაი ავტო საქართველო" განცხადებას ავრცელებს, რომელსაც უცვლელად გთავაზობთ: „მაღალი საზოგადოებრივი ინტერესიდან და ამ ბოლო პერიოდში, შპს „სიტროენ ჯორჯია"-ს მიერ, პრესის მეშვეობით გაკეთებული არაზუსტი, მცდარი და საქმიანი რეპუტაციის შემლახველი განცხადებებიდან გამომდინარე, აუცილებლად ჩავთვალეთ რამდენიმე განმარტება გაგვეკეთებინა შპს „სიტროენ ჯორჯია"-ს მიერ გაკეთებულ განცხადებებზე, თითქოს, საქართველოში მოქმედ, რიგ დამოუკიდებელ, კომპანას შორის არსებობს რაიმე სახის „კარტელური გარიგება".

გარდა იმ ფაქტისა, რომ შპს „სიტროენ ჯორჯია"-ს აღნიშნული განცხადება სს „ჰიუნდაი ავტო საქართველოსთან" და არც სარჩელში დასახელებული სხვა კომპანიების მიმართებაში არცერთ ასპექტში არ შეესაბამება სიმართლეს, არის აბსურდული, გაურკვეველ და მცდარ ფაქტეზე დამყარებული, გვსურს ხაზი გავუსვათ რამდენიმე ნიუანსს:

1. შპს ,,სიტროენ ჯორჯია"-ს საჩივარი დაფუძნებული აქვს 25 ფაქტობრივ გარემოებაზე, საიდანაც ჩვენი ინფორმაციით, სიმართლეს არ შეესაბამება ან/და განზრახ დამახინჯებულად არის წარმოჩენილი 24 ფაქტობრივი გარემოება;

2. დარჩენილი 1 ფაქტობრივი გარემოება, უდავოდ სწორია, რომ შპს „სიტროენ ჯორჯია" რეგისტრირებული იქნა მეწარმეთა და არასამეწარმეო (არაკომერციული) იურიდიული პირების რეესტრში 2016 წლის 20 მაისიდან და მის ამონაწერში მითითებულ ძირითადი საქმიანობის საგანს წარმოადგენდა საქართველოს ფარგლებს გარეთ შრომით მოწყობაში დახმარება.

3. უდავოა, რომ საფრანგეთის საელჩოს და ,,Automobiles Citroen SA" განცხადებით, შპს „სიტროენ ჯორჯია" არასდროს არ წარმოადგენდა სიტროენის ოფიციალურ დილერს და მას არანაირი სახელშეკრულებო ურთიერთობა არ ჰქონია Automobiles Citroen SA-სთან და აღნიშნულ კომპანიას საქართველოს ტერიტორიაზე არ გააჩნია შესაბამისი ინფრასტრუქტურა (ავტომობილების მომსახურე ცენტრი), რომლითაც ის განახორციელებდა ავტომობილების ტექნიკურ მომსახურებას.

4. ასევე დადასტურებულია, რომ შპს „სიტროენ ჯორჯია"-ს მონაწილეობა მიღებული აქვს, ჯამში 5 ტენდერში და 2 გამარტივებულ შესყიდვაში, საიდანაც გაიმარჯვა 3 ტენდერში. ასევე, მასთან ორი გამარტივებული შესყიდვის შესახებ ხელშეკრულება გაფორმდა, მაგრამ მის მიერ ხელშეკრულებით ნაკისრი ვალდებულებების შეუსრულებლობის გამო, შემსყიდველი ორგანიზაციების: სსიპ „საქართველოს ეროვნული ბანკი"-ს, შპს „საქართველოს ფოსტა"-ს, შპს „EXPRESS"-ის, შპს „ბათუმის სამედიცინო დახმარების ცენტრი"-ს მიერ, სახელმწიფო შესყიდვების შავ სიაში შეყვანილია. დანარჩენი 2 (ორი) ტენდერთან მიმართებაში - 1 ტენდერიდან განხორციელდა მისი დისკვალიფიკაცია და 1 ტენდერი შემსყიდველი ორგანიზაციის მიერ შეწყდა.

ყოველივე ზემოთ აღნიშნულიდან გამომდინარე, ჩვენ გვებადება საფუძვლიანი ეჭვი, რომ მომჩივანის მიერ აღნიშნული საჩივრის შეტანა ემსახურება კონკურენტი კომპანიების სახელის და საქმიანი რეპუტაციის შელახვას, მის საკუთარ ვიწრო ინტერესებს და არაფერი საერთო არ გააჩნია კონკურენციის შესახებ საქართველოს კანონის დარღვევასთან ან/და მოპასუხე ეკონომიკურ აგენტებს შორის რაიმე სახის უკანონო შეთანხმების არსებობასთან", - ნათქვამია განცხადებაში.

ამ ფაქტთან დაკავშირებით კომენტარი გააკეთა ,,ჰიუნდაი ავტო საქართველოს" გენერალურმა დირექტორმა დავით გიორგობიანმა: „ეს ჰგავს შეთხზულ ისტორიას. ტენდერების დროს, კომპანიებს შორის ყოველთვის ჯანსაღი კონკურენციაა. ვთვლით, რომ ეს სერიოზული ბრალდებაა. აქედან გამომდინარე, ჩვენ და ასევე, იმ ხუთმა კომპანიამ, კონკურენციის სააგენტოში შესაგებელი შევიტანეთ. სააგენტომ ოფიციალურად მოითხოვა ჩვენი პოზიცია იმ გარემოებებზე, რომელიც, შპს „სიტროენ ჯორჯია"-მ წარადგინა. ახლა არის სტადია, როდესაც კონკურენციის სააგენტომ უნდა გადაწყვიტოს ეს დავა.

სს "ჰიუნდაი ავტო საქართველო" მოუწოდებს კონკურენციის სააგენტოს, დაუშვებლად ცნოს შპს "სიტროენ ჯორჯია"-ს სარჩელი. წინააღმდეგ შემთხვევაში, ადგილი ექნება ბიუჯეტის ფსევდო პატრიოტების ჯგუფის მიერ შეთხზული ბრალდებების საფუძველზე სახელმწიფოს მხრიდან საერთაშორისო ბიზნეს ოპერატორი კომპანიების წინააღმდეგ ე.წ "რეკეტის" მცდელობას. რაც, საქართველოს უახლესი ისტორიის მანკიერ პრაქტიკას წარმოადგენდა".
მისივე თქმით, აღნიშნული საქმის წარმოების შემთხვევაში, რადგან შეთხზული ბრალდებები ატარებს სერიოზულ რეპუტაციულ და ფინანსურ რისკებს, ქვეყანა ვერ აცდება საერთაშორისო რეზონანსს.

„პროცესებში აუცილებლად ჩაერთვებიან მწარმოებელი კომპანიები და მათი ქვეყნების დიპლომატიური მისიები, რაც, საქართველოს საქმიანი იმიჯის შელახვის და საინვესტიციო გარემოს გაუარესების საწინდარი იქნება. აღნიშნული კომპანიები მრავალი წელია ოპერირებენ საქართველოში, გადახდილი აქვთ და კიდევ იხდიან ათობით მილიონ ლარს ბიუჯეტის სასარგებლოდ, ახორციელებენ ინვესტიციებს ინფრასტრუქტურაში, სასაქონლო მარაგებში და დასაქმებული ჰყავთ ასობით ადამიანი. იმედს გამოვთქვამთ, რომ საქართველოს კონკურენციის სააგენტო ობიექტურად შეაფასებს ჩვენს არგუმენტებს და არ გადადგამს ისეთ ნაბიჯს, რომელიც ჩვენი ქვეყნის ბიზნეს გარემოს დააზარალებს", - აღნიშნა სს „ჰიუნდაი ავტო საქართველოს" გენერალურმა დირექტორმა დავით გიორგობიანმა.

მომღერალმა და ბიზნესმენმა გია გაჩეჩილაძემ, 12 დეკემბერს, კომპანია „სიტროენ ჯორჯიას" წარმომადგენლებთან ერთად, პრესკონფერენცია გამართა და აღნიშნა, რომ ტენდერებს მხოლოდ ხელისუფლების წევრებთან დაკავშირებული კომპანიები იგებენ.

მათ კონკურენციის სააგენტოს მიმართეს, რომ შესყიდვის სფეროში ავტობიზნესის მხრიდან მოქმედებს კარტელური შეთანხმება და ამაში ბრალი 6 კომპანიას დასდეს:

1. სს ,,ჰიუნდაი ავტო საქართველო" - კორეული ავტოგიგანტის, - ჰიუნდაი მოტორ კომპანის ოფიციალური დისტრიბუტორი;
2. შპს ,,ჯითი მოტორსი" - ამერიკული ავტომწარმოებლის ფორდი-ს ოფიციალური წარმომადგენელი;
3. შპს ,,სტრადა მოტორსი" - იტალიური კონცერნის "ფიატ"-ის ოფიციალური წარმომადგენელი;
4. შპს ,,იბერია ავტო" - გერმანული მწარმოებლის, - ფოლკსვაგენის და შკოდას ოფიციალური წარმომადგენელი;
5. შპს "კია მოტორს ჯორჯია" - კორეული ავტოგიგანტის ოფიციალური წარმომადგენელი;
6. სს "ფრანს ავტო" - ფრანგული სახელმწიფო ავტომწარმოებლის, - "რენო"-ს ოფიციალური წარმომადგენელი.

(R)

მასალის გამოყენების პირობები
სხვა სიახლეები
საოკუპაციო ხაზის გასწვრივ მდებარე სოფლებში მცხოვრები ბავშვებისთვის საგარეო საქმეთა სამინისტრომ საახალწლო ღონისძიებას უმასპინძლა
საქართველოს საგარეო საქმეთა სამინისტროს ინიციატივით 2018 წლის 17 იანვარს, თბილისს, საოკუპაციო ხაზის გასწვრივ მდებარე სოფლებში
ქსელზე ახალი აბონენტების მიერთების მიზნით, ხვალ თბილისის ნაწილს ელექტრომომარაგება შეეზღუდება
ქსელზე ახალი აბონენტების მიერთების მიზნით, ხვალ თბილისის ქუჩების ნაწილს ელექტრომომარაგება დროებით შეეზღუდება.
სახელმწიფო აუდიტის სამსახური აცხადებს, რომ სახელმწიფო იმუნიზაციის პროგრამას, მათ შორის ცოფის საწინააღმდეგო ვაქცინის ნაწილში ეჭვქვეშ არ აყენებს
სახელმწიფო აუდიტის სამსახური ეჭვის ქვეშ არ აყენებს სახელმწიფო იმუნიზაციის პროგრამას, მათ შორის ცოფის საწინააღმდეგო ვაქცინის
გარდაბნის გამწმენდი ნაგებობის მოდერნიზაცია ხორციელდება
სასტუმრო „რუმს თბილისში “ჯორჯიან უოთერ ენდ ფაუერის” პრესკონფერენცია გაიმართა, სადაც კომპანიის წარმომადგენლებმა, უმნიშვნელოვანეს
პაატა იმნაძე - ჩვენ ადამიანებს ერთი თვე უვაქცინოდ ვერ დავტოვებდით
დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილის პაატა იმნაძის განცხადებით,
გიორგი მიქაძე - შეფუთვა განკუთვნილი იყო ღვინის ჩამოსასხმელად, თუმცა, შესაძლებელია გამოყენებული იყოს რძისთვისაც
შეფუთვა განკუთვნილი იყო ღვინის ჩამოსასხმელად, თუმცა, შესაძლებელია გამოყენებული იყოს რძისთვისაც, - ამის შესახებ სურსათის
დიმიტრი ქუმსიშვილი - შანხაის გამოფენა უნიკალური შესაძლებლობაა ქართველი მეწარმეებისთვის
შანხაის გამოფენა უნიკალური შესაძლებლობაა ქართველი მეწარმეებისთვის, რათა სამომავლოდ დააკონტრაქტონ და გაყიდონ საკუთარი პროდუქცია თუ მომსახურება,
კომპანია „მილკო“ - რძის პროდუქტის ღვინის ეტიკეტიან შეფუთვაში ჩამოსხმა ბაღებიდან მიღებულმა გადაჭარბებულმა შეკვეთამ გამოიწვია
დედაქალაქის რამდენიმე ბაღში შეტანილი არასწორად ეტიკეტირებული რძის პროდუქტი აბსოლუტურად უსაფრთხოა, - ამის შესახებ „ინტერპრესნიუსს“
მიხეილ ჩხენკელი 47-ე საჯარო სკოლის უფროსკლასელებს შეხვდა
საქართველოს განათლებისა და მეცნიერების მინისტრის მიხეილ ჩხენკელის მიერ ინიცირებული შეხვედრების ციკლი „მოვუსმინოთ მოსწავლეებს“ გრძელდება.
ვახტანგ ყოლბაია საქართველოში დიდი ბრიტანეთის ელჩს შეხვდა
აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში