არქივი
კურსი
კონვერტორი
USD
1 USD
2.4578
EUR
1 EUR
2.8597
RUB
100 RUB
3.8955
25-06-2018
მიტროპოლიტი ნიკოლოზი დეკანოზ გიორგი მამალაძეზე - რაც არ უნდა დანაშაული ჩაიდინოს ადამიანმა, მიუტევებელი ცოდვა არ არსებობს
12:51 13-02-2018
მიტროპოლიტი ნიკოლოზი დეკანოზ გიორგი მამალაძეზე - რაც არ უნდა დანაშაული ჩაიდინოს ადამიანმა, მიუტევებელი ცოდვა არ არსებობს რაც არ უნდა დანაშაული ჩაიდინოს ადამიანმა, მიუტევებელი ცოდვა არ არსებობს ანუ, ის, რომ დეკანოზ გიორგი მამალაძეს დღემდე არ აქვს ოფიციალურად ზიარების უფლება, არ ნიშნავს, რომ არ მიეტევება ცოდვა. არა, უბრალოდ ჯერ წმინდა სინოდალური კომისიის მიერ მასალების გამოკვლევა უნდა მოხდეს“, – ამის შესახებ „ინტერპესნიუსს“ ახალქალაქისა და კუმურდოს მიტროპოლიტმა ნიკოლოზმა (ფაჩუაშვილი) დეკანოზ გიორგი მამალაძის ზიარების საკითხთან დაკავშირებით განუცხადა.

მისივე თქმით, აღსარებისა და ზიარების უფლება, თავისთავად, არ არის საზოგადოების განსახილველი საკითხი, მაგრამ ამ შემთხვევაში პოლიტიკური მნიშვნელობა მიიღო.

„თუ მას მიეცემა ზიარების უფლება, ეს იმას ნიშნავს, რომ სინოდი მხარს უჭერს მის უდანაშაულობას. ამას ასე ჩვენ არ განვიხილავთ. პოლიტიკურ ჭრილში განიხილება ეს საკითხი უკვე მთლიანად. რადგანაც ასეა, სინოდის წინა სხდომაზე მივიღეთ გადაწყვეტილება, რომ როდესაც დასრულდება გამოძიება, შეიქმნება სინოდალური კომისია და განიხილავს გამოძიების საკითხს. ოფიციალური დასკვნა რომ დადოს, ამისთვის ყველა არგუმენტი უნდა არსებობდეს. ერთი მხრივ, ჩვენ განვაცხადეთ, რომ სახელმწიფოს ვუცხადებთ ნდობას, ვენდობით და მან უნდა გამოიძიონ ეს საკითხი, მაგრამ როგორც კი გამოძიება დასრულდება და ყველა კითხვას გაეცემა პასუხი, ამის შემდეგ ჩვენ განვიხილავთ ამას და შესაბამისად მივიღებთ გადაწყვეტილებას: რა ფორმით, რა პირობით შეიძლება ეს მოხდეს“, – განაცხადა მეუფე ნიკოლოზმა.

მისივე თქმით, დეკანოზ გიორგი მამალაძეს აღსარების თქმის უფლება აქვს და ამბობს კიდევაც. რაც შეეხება ზიარების საკითხს, მიტროპოლიტის განცხადებით, საეკლესიო სასამართლო განსხვავდება საერო სასამართლოსგან იმით, რომ საეკლესიო სასამართლო ძირითადად დამყარებულია აღსარებაზე, ანუ რასაც ადამიანი მალავს და რასაც არ ამბობს, პასუხისმგებლობა მასზეა. სახელმწიფო სასამართლოს შემთხვევაში ეს ასე არ არის.
„რადგან ზიარებამ პოლიტიკური მნიშვნელობა შეიძინა, ამიტომ ჩვენც იძულებული ვართ ბოლომდე შევისწავლოთ, ბოლომდე გამოვიძიოთ და ამის შემდეგ გადავწყვიტოთ მისი ზიარების საკითხი. ამიტომ ამას ცოტა დრო დასჭირდება“, – განაცხადა მეუფე ნიკოლოზმა.

მისივე თქმით, სინოდალური კომისია სინოდზე უნდა შეიქმნას. მიტროპოლიტი არ გამორიცხავს, რომ სინოდის შემდეგ სხდომაზე ამაზე იმსჯელონ.

„როდის იქნება ეს სხდომა, ძნელია თქმა. ზოგადად, წელიწადში ორჯერ არის სინოდის სხდომა. სავარაუდოდ, ალბათ, მაისში გაიმართება და ამ სხდომაზე იქნება მსჯელობა. ვერ გეტყვით ამ საკითხზე რა გადაწყვეტილებას მიიღებს სინოდი. მე ჩემს გადაწყვეტილებას ვიტყვი. გადაწყვეტილება სინოდის სხდომაზე უმრავლესობის მიერ მიიღება“, – განმარტა მიტროპოლიტმა.

კითხვაზე, როგორი იქნება მეუფის პოზიცია სინოდზე ამ საკითხთან დაკავშირებით, მიტროპოლიტმა განაცხადა, რომ საკითხის შესწავლამდე ამჟამად ამაზე საუბარი უჭირს.

„მე უნდა შევისწავლო ეს საკითხი. სინოდის წინ დაგვირიგდება მასალები და გავეცნობით. ამ წუთას ვერ გეტყვით. თავიდან მე მომხრე ვიყავი, რომ რაც შეიძლება სწრაფად გაგვეკეთებინა, მაგრამ შემდეგ უწმინდესმა ბრძანა, რომ არ ღირს აჩქარება ასეთ საკითხში. მე მინდა, რომ დროზე მოხდეს საკითხის გამოკვლევა და დროზე ეზიაროს. ვფიქრობ, ყველაფერი კარგად იქნება. რაც არ უნდა დანაშაული ჩაიდინოს ადამიანმა, მიუტევებელი ცოდვა არ არსებობს ანუ, ის, რომ მას დღემდე არ აქვს ოფიციალურად ზიარების უფლება, არ ნიშნავს, რომ არ მიეტევება ეს ცოდვა. არა, უბრალოდ ჯერ მასალების გამოკვლევა უნდა მოხდეს“, – განაცხადა მეუფე ნიკოლოზმა.


მასალის გამოყენების პირობები
სხვა სიახლეები
საქართველოში „გრემის“ ორგზის მფლობელი ამერიკელი ვოკალისტი, ლიზა ფიშერი ჩამოვიდა
საქართველოში „გრემის“ ორგზის მფლობელი ამერიკელი ვოკალისტი, ლიზა ფიშერი ჩამოვიდა. ლიზა ფიშერი, წელს, რადიო ჰოლდინგ ”ფორტუნას“ ყოველწლიური
კომპანია „სვეტის“ მიერ დაზარალებული მენაშენეები კახა კალაძეს შეხვდებიან
დეველოპერული კომპანია „სვეტის“ მიერ დაზარალებული მენაშენეები, დღეს თბილისის მერს კახა კალაძეს შეხვდებიან. როგორც „ინტერპრესნიუსს“ თბილისის მერიაში
დღეს კლდეზე ცოცვის ფესტივალი ჩატარდება
დღეს, ჭიათურაში, კაცხში, საქართველოს სპორტისა და კულტურის სამინისტროს, საქართველოს მეკლდეურთა ეროვნული ფედერაციის
პროფილაქტიკური სამუშაოების გამო, თბილისის გარკვეულ რაიონებს ელექტრომომარაგება შეეზღუდება
გეგმური პროფილაქტიკური სამუშაოების გამო, დღეს თბილისის გარკვეულ რაიონებს ელექტრომომარაგება დროებით შეიზღუდება.
თსუ-ში ფორუმი - „საქართველოს დემოკრატიული რესპუბლიკის გახსენება 100 წლის შემდეგ: მოდელი ევროპისთვის?“ გაიხსნება
დღეს, ივანე ჯავახიშვილის სახელობის თბილისის სახელმწიფო უნივერსიტეტში საერთაშორისო სამეცნიერო ფორუმი - „საქართველოს დემოკრატიული რესპუბლიკის
Startup Grind-ის ორგანიზებით, თბილისს ცნობილი „ენჯელ ინვესტორი“ ზეკ კოელიუსი ეწვევა
Startup Grind-ის ორგანიზებით, თბილისს ცნობილი „ენჯელ ინვესტორი“ ზეკ კოელიუსი ეწვევა. როგორც „ინტერპრესნიუსს“ Startup Grind თბილისიდან აცნობეს,
დღეს, ქობულეთის შემოვლითი გზის მე-2 მონაკვეთის გახსნის ღონისძიება გაიმართება
დღეს, ქობულეთის შემოვლითი გზის მე-2 მონაკვეთის გახსნის ღონისძიება გაიმართება. რეგიონული განვითარების და ინფრასტრუქტურის სამინისტროს ინფორმაციით,
მამუკა ბახტაძე - საქართველო ჩემპიონების სამშობლოა, ხოლო ოლიმპიელები ჩვენი დროის გმირები არიან
საქართველოს, მიუხედავად იმისა, რომ ჩვენი მოსახლეობა დიდი არ არის, ისტორიულად უნიკალური შედეგები აქვს სპორტში, რაც იმას ნიშნავს, რომ საქართველო
პარლამენტმა, შესაძლოა, “შენობების ენერგოეფექტიანობის შესახებ“ კანონი მიიღოს
პარლამენტმა შესაძლოა, “შენობების ენერგოეფექტიანობის შესახებ“ კანონი მიიღოს. პროექტი ეკონომიკისა და მდგრადი განვითარების სამინისტრომ მოამზადა,
კანონს, რომლის საფუძველზეც მიწის ნაკვეთებზე საკუთრების უფლების რეგისტრაცია ხორციელდება, ვადა 2019 წლის 1-ელ იანვრამდე უგრძელდება
კანონს, რომლის საფუძველზეც მიწის ნაკვეთებზე საკუთრების რეგისტრაცია ხორციელდება, ვადა 2019 წლის 1-ელ იანვრამდე უგრძელდება.