ბიძინა ივანიშვილი - ინფორმაცია არ მაქვს, ისესხა თუ არა ფული ”ქართულმა ოცნებამ” “ბანკი ქართუსგან”

ყოფილ პრემიერ-მინისტრ, ბიძინა ივანიშვილს ინფორმაცია არ აქვს, ისესხა თუ არა ფული ”ქართულმა ოცნებამ” “ბანკი ქართუსგან”.

”პირველად თქვენგან მესმის. თუ კანონი არ დაურღვევია, ეს ნორმალურია. გაუჭირდათ და აიღეს, დალხინებული კაცი სესხს არ იღებს”, - განაცხადა ბიძინა ივანიშვილმა და დასძინა, რომ მთავარია ეჭვი არ გაჩნდეს, რომ მართველი პარტია პრივილეგიებით სარგებლობს.

ივანიშვილმა 2012 წელს დაფინანსებასთან დაკავშირებით არსებული ვითარება გაიხსენა და აღნიშნა, რომ მაშინ ”ნაციონალურმა მოძრაობამ” ”ქართულ ოცნებას” დაფინანსების მიღების ყველა წყარო შეუზღუდა.

”გახსოვთ მაშინ რამხელა რიგი იდგა ”ქართუ ბანკთან”. ეს არის ქართველი ხალხი, ახლაც დამბურძგლა, როგორი საამაყოა, რაც მაშინ მოხდა. აი სად ვიყავით, ნახეთ, სად ვიყავით მაშინ, კანონს კანონზე იგონებდნენ, ბეჭედს არტყამდნენ, რომ ფული არ დაგვეხარჯა. ახლა ნახეთ სად მოვედით, ჟურნალისტი მეკითხება მმართველმა გუნდმა ფული ისესხაო”, - აღნიშნა ყოფილმა პრემიერმა.

სახელმწიფო აუდიტის სამსახურის ინფორმაციით, ”ქართულმა ოცნებამ” ბანკი ”ქართუსგან” მილიონი ლარი ისესხა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს