ტყიბულში, მეშახტეების პირველკლასელ ბავშვებს საჩუქრები გადასცეს. კომპანია “საქნახშირი-ჯი-აი-ჯი ჯგუფი“ ბავშვებს შახტის ადმინისტრაციის ეზოში ტკბილეულით გაუმასპინძლდა. კომპანიამ ბავშვებს ახალი სასწავლო წლის დაწყება მიულოცა და 80-მდე პირველკლასელს სასკოლო ჩანთები სასკოლო ნივთებთან ერთად გადასცა.

როგორც კომპანიაში აცხადებენ, აქცია უკვე მეორე წელია იმართება და ახალი სასწავლო წლის დაწყებისას, მეშახტეთა პირვეკლასელ შვილებს სასკოლო ჩანთები და ნივთები საჩუქრად გადაეცემა.