ხორავას ქუჩაზე მომხდარი დანაშაულის შედეგად ორი ახალგაზრდის მკვლელობის ფაქტის შემსწავლელი პარლამენტის დროებითი საგამოძიებო კომისიის სხდომები მომავალ კვირას გაიმართება.
კომისიის სხდომაზე დაამტკიცეს დღის წესრიგი, რომლის თანახმად, სხდომები 20, 21 და 22 ივნისს გაიმართება.
ამასთან, კომისიამ მიიღო გადაწყვეტილება, რომ პირველ სხდომაზე გაიმართება შეხვედრა ზაზა სარალიძესთან და მის ადვოკატ ნესტან ლონდარიძესთან, ასევე დავით დადუნაშვილთან და მის ადვოკატ ხათუნა მაღლაკელიძესთან.
კომისიის სხდომაზე გადაწყდა, რომ ყოველ სხდომაზე მომდევნო შეკრებაზე გამოსაკითხთა ვინაობა გადაწყდება და შესაბამისად გამოქვეყნდება.