რამდენიმესაათიანი დაკითხვის შემდეგ შინაგან საქმეთა სამინისტრო დატოვა სამხარაულის ბიუროს ექსპერტმა, რომელიც უწყებაში ხელახალი გამოძიების ფარგლებში იმყოფებოდა.

ექსპერტმა მედიასთან კომენტარი არ გააკეთა. არსებული ინფორმაციით, აღნიშნული ექსპერტი ექსპერტიზას უტარებდა ხორავას ქუჩაზე მოკლული მოზარდების ცხედრებს, ხოლო მის მიერ გაკეთებული დასკვნა განსხვავებულია დამოუკიდებელ ექსპერტ მაია ნიკოლეიშვილის მიერ ჩატარებული ექსპერტიზისგან.

უწყების შენობა დატოვა ლევან დადუნაშვილის მეგობარმაც, რომელიც ხელმეორე გამოძიების ფარგლებში გამოკითხვაზე უკვე მეორედ იმყოფებოდა. რას უკავშირდებოდა არასრულწლოვნის ხელმეორედ დაბარება უცნობია, ვინაიდან მისმა ადვოკატმა ჟურნალისტებთან კომენტარის გაკეთება არ ისურვა.

ამ დრომდე უწყებაში რჩება მოკლული დავით სარალიძის მამა ზაზა სარალიძე, რომელიც ხელმეორედ დაწყებული გამოძიების ფარგლებში გამოკითხვაზე პირველად დაიბარეს.