დავით უსუფაშვილი - დღეს მოქმედებაში ვნახეთ ის არასწორი მოდელი, რომელიც ბიძინა ივანიშვილის მიერ ორჯერ არის ნაცადი

დღეს მოქმედებაში ვნახეთ ის არასწორი მოდელი, რომელიც „ქართული ოცნების“ მმართველობის პერიოდში, ბიძინა ივანიშვილის მიერ ორჯერ არის ნაცადი, - ამის შესახებ „პალიტრანიუსის“ გადაცემაში „360 გრადუსი“ პარლამენტის ყოფილმა თავმჯდომარემ, „შენების“ მოძრაობის ყოფილმა ლიდერმა, დავით უსუფაშვილმა განაცხადა.

პარლამენტის ყოფილი თავმჯდომარე უკვე ყოფილ რემიერ–მინისტრს კონსტიტუციას ახსენებს, სადაც წერია, რომ პრემიერი და მთავრობა ვალდებულია პარლამენტის წინაშე, დღევანდელი საკადრო ცვლილება კი, უსუფაშვილის აზრით, სწორედ მთავრობის მეთაურისა და მმართველი პარტიის თავმჯდომარის აზრთა სხვადასხვაობას მოჰყვა. დავით უსუფაშვილის შეფასებით, აღნიშნული მიუთითებს იმაზე, რომ ქვეყანაში პროცესები ცივილურად არ ვითარდება.

„პრემიერ–მინისტრის მხრიდან ვნახეთ კარის გაჯახუნება, რადგან პარტიის ლიდერთან რიგ საკითხებზე განსხვავებული პოზიცია ჰქონდა, არადა საქართველოს კონსტიტუცია საუბრობს, რომ პრემიერი და მთავრობა ვალდებულია პარლამენტის წინაშე. დღეს მოქმედებაში ვნახეთის არასწორი მოდელი, რომელიც „ქართული ოცნების“ მმართველობის პერიოდში ბიძინა ივანიშვილის მიერ ორჯერ არის ნაცადი“, – აღნიშნა დავით უსუფაშვილმა.