ნატო საქართველოს პრაქტიკულ და პოლიტიკურ მხარდაჭერას უწევს, - ამის შესახებ ნატო-ს გენერალურმა მდივანმა იენს სტოლტენბერგმა პრესკონფერენციაზე “კვირის პალიტრის” ჟურნალისტის კითხვაზე პასუხისას განაცხადა.
“ნატო-ს წევრები მეტ დახმარებას უწევენ საქართველოს სხვადასხვა სფეროებში, იქნება ეს წვრთნების ცენტრი თუ რეფორმების მხარდაჭერა. ჩვენ ასევე აღვნიშნავთ იმ მნიშვნელოვან პროგრესს, რომელსაც საქართველომ მიაღწია და იმ წვლილს, რომელიც საქართველოს შეაქვს ნატო-ს მისიებში”, - აღნიშნა ნატო-ს გენერალურმა მდივანმა.