კახა კახიშვილი - 100% -ით გამოვრიცხავ, რომ საპრეზიდენტოდ ჩემი კანდიდატურა იყოს წარდგენილი - მე არ მიყვარს აქტიური პოლიტიკური თანამდებობა

სასჯელაღსრულების ყოფილი მინისტრი, მთავრობის ადმინისტრაციის თავმჯდომარე კახა კახიშვილი უარყოფს, რომ ის შესაძლოა საპრეზიდენტო კანდიდატად დასახელდეს. როგორც კახიშვილმა „ტვ პირველის“ ეთერში საუბრისას განაცხადა, აღნიშნული შემოთავაზება არც ყოფილა და რომც იყოს, მას პრეზიდენტობის სურვილი არ აქვს.

„100% -ით გამოვრიცხავ, რომ საპრეზიდენტოდ ჩემი კანდიდატურა იყოს წარდგენილი. ამის სურვილი მე არ მაქვს, რადგან მე არ მიყვარს აქტიური პოლიტიკური თანამდებობა. აღნიშნულთან დაკავშირებით შემოთავაზებაც არ ყოფილა“, - განმარტა კახა კახიშვილმა.