რაც შეეხება კვირიკაშვილის კაცს, საერთოდ არ მესმის კაცის კაცის პოზიცია, კაცობა მესმის, - ამის შესახებ სასჯელაღსრულების ყოფილმა მინისტრმა, მთავრობის ადმინისტრაციის თავმჯდომარემ კახა კახიშვილმა „ტვ პირველის“ ეთერში განაცხადა.

ჟურნალისტის კითხვაზე - ხომ არ გაათავისუფლეს ის თანამდებობიდან იმიტომ, რომ გიორგი კვირიკაშვილის კაცად ითვლებოდა, ყოფილმა მინისტრმა განაცხადა, რომ ამ შეფასებას არ იზიარებს.

„რაც შეეხება კვირიკაშვილის კაცს, მე საერთოდ არ მესმის, კაცის კაცის პოზიცია, კაცობა მესმის. კაცი ან კაცია ან კაცის კაცი მე არ გამიგია. არ მგონია, ვინმემ ჩათვალა, რომ ვინმეს კაცი ვარ. თუ ვინმეს კაცი ვარ, მე ვარ ჩვეულებრივად ადამიანი, რომელიც მოვიდა საზოგადოებიდან იმისთვის, რომ რამე გააკეთოს. ნამდვილად არ ვეთანხმები იმ შეფასებას, რომ კვირიკაშვილის კაცი ვარ“,-აღნიშნა კახა კახიშვილმა.