ეს დიდ რისკებს შეიცავს, რადგან სახელმწიფო არაა მზად აღკვეთოს არალეგალური კულტივაცია,- ასე აფასებს მთავრობის ინიციატივას მარიხუანას ექსპორტზე გატანის შესახებ კათოლიკოს-პატრიარქის ტახტის მოსაყდრე, სენაკისა და ჩხოროწყუს მიტროპოლიტი შიო.
"ჩვენ ვფიქრობთ და ზოგადი პათოსი დღეს ასეთი იყო კონფერენციაზე, რომ ეს დიდ რისკებს შეიცავს, რადგან სახელმწიფო არ არის მზად აღკვეთოს შემდგომში არალეგალური კულტივაცია, რაც სამწუხაროდ, მოხდა ბევრ ქვეყანაში, სადაც იყო სამედიცინო კუთხით კულტივაცია", - განაცხადა მეუფე შიომ.
შეგახსენებთ, რომ მთავრობას მომზადებული აქვს საკანონმდებლო ინიციატივა, რომელიც ნებადართულს ხდის საქართველოში მარიხუანას წარმოებას, ექსპორტზე გატანის მიზნით - ფარმაცევტული და კოსმეტიკური საშუალებისათვის.