ლადო პაპავა - გველის შხამიც კარგია და სამკურნალოდ გამოიყენება, მოდით, გველები გავაშენოთ და გავიტანოთ ექსპორტზე

არ მინდა ასეთი ეკონომიკა, თუნდაც კანაფი იყოს რაღაც დიდი ბუმის მომტანი, ჩვენ გვინდა ცოდნაზე დაფუძნებული ეკონომიკა, - ასე ეხმაურება პროფესორი ლადო პაპავა ექსპორტზე გასატანად მარიხუანას კულტივაციის საკითხს. მისი თქმით, ქვეყანაში, სადაც ნარკომანიის პრობლემაა, მისი კულტივაცია კიდევ უფრო მეტ დარღვევას გამოიწვევს.

„გველის შხამიც კარგია და სამკურნალოდ გამოიყენება, მოდით, გველები გავაშენოთ და გავიტანოთ ექსპორტზე. ამან უნდა განავითაროს ეკონომიკა?! ჩვენ დღეს ამაზე კი არ უნდა ვსაუბრობდეთ, უნდა ვლაპარაკობდეთ იმაზე, რომ მთავრობამ წარმოადგინა ხედვა ცოდნის გაღრმავებას, განათლებას, მეცნიერების რეფორმას როგორ შეუწყოს ხელი. ამის ნაცვლად დროს ვკარგავთ კანაფზე. ეს არასწორი მიდგომაა. ჩვენ გვაქვს საკმაოდ მწვავედ ნარკომანიის პრობლემა. როცა ჩვენ დავიწყებთ ამ ნედლეულის მასობრივ წარმოებას, აქ დარღვევების შესაძლებლობა ხომ ასევე გაიზრდება?! მე არ მინდა, თუნდაც კანაფი იყოს რაღაც დიდი ბუმის მომტანი, ასეთი ეკონომიკა. ჩვენ გვინდა ცოდნაზე დაფუძნებული ეკონომიკა“, - განაცხადა პაპავამ.

მთავრობას მომზადებული აქვს „კანაფის კონტროლის შესახებ" კანონპროექტი, რომელიც ითვალისწინებს საექსპორტოდ კანაფის მოყვანა-წარმოებასთან დაკავშირებულ საკითხებს.

იხილეთ ვიდეო: გველის შხამიც კარგია, მოდით, გველები გავიტანოთ ექსპორტზე... - ვლადიმერ პაპავა

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს