ბელგიის პრემიერ-მინისტრის შარლ მიშელის განცხადებით, ამ ეტაპზე არარეალურია თურქეთის ევროკავშირში გაწევრიანება და ამიტომ ევროკავშირსა და თურქეთს შორის სტრატეგიული თანამშრომლობაა საჭირო.
„ის, რაც ჩვენ ახლა გვჭირდება არის სტრატეგიული თანამშრომლობა“, - აღნიშნა შარლ მიშელმა გაერო-ს გენერალური ასამბლეის 73-ე სესიის ფარგლებში თურქეთის პრეზიდენტთან რეჯეფ თაიფ ერდოღანთან შეხვედრის შემდეგ.
ბელგიის პრემიერ-მინისტრის განცხადებით, საჭიროა რიგი საკითხების აქტიურად განხილვა და უკეთ თანამშრომლობა.
ბელგიის პრემიერ-მინისტრმა და თურქეთის პრეზიდენტმა რეგიონში თურქეთის გეოპოლიტიკური როლი, ტერორიზმთან ბრძოლა, მიგრაციის პრობლემა და თურქეთში კანონის უზენაესობისა და თავისუფალი მედიის საკითხი განიხილა.
„თურქეთთან საჭიროა გულწრფელი დიალოგი“, - დასძინა მან.