საგანგებო სიტუაციების სამსახურის ინფორმაციით, დღეს საღამოს ზღვაში შესვლა იკრძალება. დღეს, 18:00 საათიდან, ამინდის გაუარესების გამო, შავ ზღვაში მოსალოდნელია 4-5 ბალიანი შტორმი.

„ტალღების სიმაღლე 3.5-დან 4-მეტრამდე მიაღწევს, რის გამოც ზღვაში შესვლა იკრძალება. ყველა სამაშველო კოშკურაზე აღიმართება წითელი ალამი. ყურადღება მიაქციეთ ამკრძალავ ნიშნებს და გთხოვთ დაემორჩილოთ მაშველების რეკომენდაციებს“, - მოუწოდებს საგანგებო სიტუაციების სამსახური ზღვაზე მყოფ დამსვენებლებს.