შინაგან საქმეთა ყოფილ მინისტრ ვანო მერაბიშვილთან სასჯელაღსრულების # მე-9 დაწესებულებაში მისი უფლებადამცველი შევიდა.

როგორც ადვოკატმა სტეფანე თუმანიშვილმა ჟურნალისტებს ე.წ. მატროსოვის ციხეში შესვლამდე განუცხადა, ის მოინახულებს ვანო მერაბიშვილს, ასევე გაარკვევს, თუ რა გახდა მისი კლინიკაში გადაყვანის მიზეზი.

როგორც ცნობილია, მერაბიშვილი დღეს „ავერსის კლინიკაში“ გადაიყვანეს, სადაც რამდენიმე საათის განმავლობაში სხვადასხვა გამოკვლევა ჩაუტარდა. ამ დროისთვის შს ყოფილი მინისტრი ისევ სასჯელაღსრულების დაწესებულებაშია დაბრუნებული.