ადვოკატ ლალი აფციაურის განცხადებით, სამედიცინო საქმიანობის სახელმწიფო რეგულირების სააგენტოს ყოფილი ხელმძღვანელის, დაკავებულ გია თვალავაძის ჯანმრთელობის მდგმომარეობა დამძიმდა, რის გამოც, შესაძლოა, სხვა კლინიკაში გადაიყვანონ. ამის შესახებ აფციაურმა "ინტერპრესნიუსს" განუცხადა.

"ახლა მივიღე ინფორმაცია, რომ თვალავაძის მდგომარეობა დამძიმდა და შესაძლებელია სხვა კლინიკაში მოხდეს გადაყვანა",- განაცხადა აფციაურმა.

თვალავაძე ამჟამად ჩაფიძის გულის ცენტრში იმყოფება. ის ციხიდან გულის შეტევით კლინიკაში გუშინ გადაიყვანეს.