პარლამენტის იურიდიულ საკითხთა კომიტეტი ფრაქცია „საქართველოს პატრიოტების“ მიერ მომზადებულ რეზოლუციას კენჭს დღეს უყრის.
პარლამენტის იურიდიულ საკითხთა კომიტეტმა ფრაქცია „საქართველოს პატრიოტების“ მიერ მომზადებული რეზოლუცია რამდენიმე დღის წინ განიხილა. პროექტი „ნაციონალური მოძრაობის“ მმართველობის დანაშაულებრივ რეჟიმად გამოცხადებას და წინა ხელისუფლების მაღალი თანამდებობის პირების სამართლებრივ პასუხისმგებლობაში მიცემას ითვალისწინებს.
რეზოლუციის პროექტი კომიტეტის წევრებს, პარლამენტის ვიცე-სპიკერმა ირმა ინაშვილმა გააცნო. როგორც ინაშვილმა კომიტეტის სხდომაზე აღნიშნა, ქვეყანაში მიმდინარეობს ფარული სამოქალაქო დაპირისპირება და ეს პროცესი მანამდე გაგრძელდება, ვიდრე სააკაშვილ-ბოკერიას მმართველობას სამართლებრივი შეფასება არ მიეცემა.