საზოგადოება თავად გამოიტანს დასკვნას ამ ორ მხარეს შორის, ვინ არის მართალი და სად არის სიმართლე „ლევან ყიფიანის ჩვენებიდან კიდევ ერთხელ დასტურდება, რომ ეს იყო დადგმული სპექტაკლი, - აცხადებს ფრაქცია „ქართული ოცნების“ ლიდერი მამუკა მდინარაძე ლევან ყიფიანის ჩვენების შეფასებისას, რომელიც დღეს პროკურატურამ გამოაქვეყნა.

მისი თქმით, ერთ მხარეს დგანან ისინი, თავისი დადგმული სპექტაკლებით, ყალბი სანომრე ნიშნებით და მეორე მხარეს დგას „ქართული ოცნება“ და ბიძინა ივანიშვილი, ადამიანი, რომელმაც ამ ქვეყანაში განახორციელა 3 მილიარდ დოლარზე მეტის ქველმოქმედება.

“ისინი ცდილობენ, საზოგადოებას დააჯერონ, რომ რაღაც გარიგებებს ჰქონდა ადგილი და „ქართული ოცნება“ ძალადობდა ბიზნესზე, თუმცა კონკრეტულ კითხვებზე პასუხს ვერ სცემენ. ოქუაშვილი თავს არიდებს გამოძიებას, ვერც იმ მთავარ კითხვაზე პასუხობს, სად მიჰქონდა ის ფული და სად იხდიდა 6 მილიონი ლარის გადავადებაში 4 მილიონს. ერთი სიტყვით, ძალიან დაბნეულები არიან, თუმცა ყოველდღიურად იყენებენ ჩანაწერებს, რომლებზეც რამდენიმე ექსპერტიზა ამბობს რომ არის მონტაჟი, არის ყალბი“ - აცხადებს მდინარაძე. მისი თქმით, საზოგადოება თავად გამოიტანს დასკვნას ამ ორ მხარეს შორის, ვინ არის მართალი. „საზოგადოება თავად გამოიტანს დასკვნას ამ ორ მხარეს შორის, ვინ არის მართალი, სად არის სიმართლე და რამდენად შეიძლება „ნაციონალური მოძრაობა“ და მასთან ერთად, მისი ინტერესებში ჩამჯდარი ზაზა ოქუაშვილი ამბობდნენ ერთ პროცენტ სიმართლეს მაინც”,- აცხადებს მდინარაძე.

მისივე თქმით, “რამდენიმე კვირაა, ვუყურებთ და ვუსმენთ „ნაციონალური მოძრაობის“, მისი ყველა მედიასაშუალების და უკვე ზაზა ოქუაშვილის მიერ დაგეგმილ სპექტაკლს, რომელიც ემსახურება დაარტყას „ქართულ ოცნებას“ და ბიძინა ივანიშვილს იქ, სადაც „ქართული ოცნება“ და ბიძინა ივანიშვილი ყველაზე მყარად დგანან - ეს არის ბიზნესის თავისუფლება, ეს არის მედიის თავისუფლება და დემოკრატია“.

მთავარმა პროკურატურამ დღეს ლევანი ყიფიანის ჩვენება გაასაჯაროვა, სადაც ის დეტალურად აღწერს ზაზა ოქუაშვილთან ურთიერთობას, ბანკიდან თანხის გატანის და აუდიოჩანაწერების ეპიზოდს.