ხელისუფლების წარმომადგენლებმა აჭარის სოფლის მეურნეობის სამინისტროს ა(ა)იპ აგროსერვის ცენტრის ქობულეთის ღვინის სახლში ყურძნის კრეფასა და დაწურვაში მიიღეს მონაწილეობა,- ამის შესახებ „ინტერპრესნიუსს“ აჭარის მთავრობიდან აცნობეს. მათივე ინფორმაციით, სტუმრებს მასპინძლობას აჭარის სოფლის მეურნეობის მინისტრი ტიტე აროშიძე უწევდა.
ვაზის სანერგე მეურნეობში სასუფრე-საღვინე ყურძნის 32 ჯიშია მოყვანილი. ამ ეტაპზე სანერგეში 7 ტონამდე საღვინე ყურძენი დაიკრიფება, რომელიც დაიწურება და ღვინის სახლის ქვევრში განთავდება.
ღონისძიებას ბათუმში მიმდინარე „აგრო-სასურსართო პროდუქტებისა და ტექნოლოგიების საერთაშორისო გამოფენის“ სტუმრები და ტურისტები ესწრებოდნენ. ჩატარდა ჭაჭის გამოხდის, ჩურჩხელის ამოვლების და შოთის პურის ცხობის მასტერკლასები.