უნდათ, რომ გ.ჯ-ს 6 წლამდე შეუმცირონ სასჯელის ვადა, - ამის შესახებ ზაზა სარალიძემ ჟურნალისტებს განუცხადა.
მისი თქმით, ხორავას ქუჩის საქმეზე მსჯავრდებული გ.ჯ-ს ნათესავებს იმედი აქვთ, რომ დაკავებული უნივერსიტეტის დასრულებას შეძლებს.
სარალიძის თქმით, იგი ამ საქმეზე ხელისუფლებისგან რაიმე ნაბიჯის გადადგმას აღარ ელოდება. წინააღმდეგ შემთხვევაში, როგორც სარალიძემ აღნიშნა, მოუწევთ აღიარონ, რომ "ზაზა სარალიძე ყველაფერში მართალი იყო".
"უნდათ, რომ გ.ჯ-ს სასჯელი შეუმსუბუქდეს. მე როგორც გავიგე, 6 წლამდე უნდათ, რომ შეუმსუბუქონ სასჯელის ვადა. ამის დამადასტურებელი დოკუმენტაცია ჯერ არ მაქვს, მაგრამ იმედია, მოვიპოვებ. მის ნათესავებს იმედი აქვთ, რომ გ.ჯ. დაამთავრებს უნივერსიტეტს, ისწავლის და მისგან ვითომ კაცი გამოვა. ადამიანის მკვლელი კაცი ვერასდროს ვეღარ გამოვა. ხელისუფლება არანაირ ნაბიჯს აღარ გადადგამს იმიტომ, რომ მარტო კალანდია რომ მისცენ პასუხისგებაში, დაენგრევათ მთლიანად ეს საქმე. მაშინ მთელმა ხელისუფლებამ უნდა აღიაროს, რომ ზაზა სარალიძე იყო მართალი და ჩვენ სპეციალურად ვტყუოდითო. აქცია გაიმართება იქამდე, სანამ მკვლელები არ მოშორდებიან ჩვენს ქვეყანას და პასუხისგებაში არ მიეცემიან,"- განაცხადა ზაზა სარალიძემ.
გ.ჯ. დავით სარალიძის განზრახ მკვლელობის მცდელობისთვის იხდის სასჯელს.