საქართველოს პირველი ლედი მაკა ჩიჩუა ისრაელის საერთაშორისო განვითარებისა და თანამშრომლობის სააგენტოს - MASHAV-ის თავმჯდომარის მოადგილეს იუვალ ფუქსისა და MASHAV - ის პროგრამის დირექტორს საქართველოში გიორგი ჟღენტს შეხვდა.
პრეზიდენტის ადმინისტრაციის ინფორმაციით, შეხვედრაზე საქართველოში ბავშვთა ადრეული განვითარების მხარდაჭერაზე იმსჯელეს.
მხარეებმა განიხილეს ისრაელის მთავრობის და მაშავის ფონდის მხარდაჭერით ილიას უნივერსიტეტში ისრაელის უნივერსიტეტის პროფესორების მიერ დაგეგმილი მეტყველების თერაპევტების ტრენინგების ჩატარების საკითხი, რომელიც საქართველოს პირველი ლედის პატრონაჟით წელს გაიმართება.
როგორც სტუმრებმა აღნიშნეს, MASHAV-ი გააგრძელებს თანამშრომლობას ილიას უნივერსიტეტთან და უფრო გაზრდის თანამონაწილეობას ბავშვთა ადრეული განვითარების პროექტებში.