საქართველო დღეს ევროპის საბჭოს სპორტზე პასუხისმგებელ მინისტრთა მე-15 საიუბილეო მინისტერიალს უმასპინძლებს. ინფორმაციას განათლების, სპორტის, კულტურისა და მეცნიერების სამინისტრო ავრცელებს.
ღონისძიება ევროპის საბჭოს, EPAS-ის (გაფართოებული წილობრივი შეთანხმება სპორტის შესახებ) და საქართველოს განათლების, მეცნიერების, კულტურისა და სპორტის სამინისტროს ორგანიზებით იმართება. მინისტერიალის ფარგლებში, თბილისს ეწვივნენ ევროპის საბჭოს გენერალური მდივნის მოადგილე გაბრიელა ბატაინი-დრაგონი, ევროპის საბჭოს წევრი ქვეყნების სპორტზე პასუხისმგებელი მაღალი თანამდებობის პირები(სპორტის მინისტრები, მინისტრის მოადგილეები,დეპარტამენტების ხელმძღვანელები) საერთაშორისო სპორტული და არასამთავრობო ორგანიზაციების ხელმძღვანელები.
თბილისის მინისტერიალის დღის წესრიგით გათვალისწინებულია 2 საკვანძო საკითხი:
სპორტში ადამიანის უფლებების დაცვა, სპორტში კორუფციის წინააღმდეგ ბრძოლა.
ევროპის საბჭოს სპორტის მინისტერიალი - 2018 საქართველოს დამოუკიდებლობის აღდგენიდან 100 წლის იუბილეს ეძღვნება.