დავით ბაქრაძე - საქართველოში სახელმწიფო და სახელმწიფო ინსტიტუტები აღარ არსებობს,  ქვეყანა იმართება მაფიოზური მენტალიტეტის მქონე ადამიანებისგან

„ევროპული საქართველოს” პრეზიდენტობის კანდიდატი მხარდამჭერებს თელავში შეხვდა. „ევროპული საქართველოს“ ინფორმაციით, დავით ბაქრაძემ ადგილობრივებთან ქვეყანაში დღეს არსებულ მძიმე პოლიტიკურ რეალობაზე, პრაქტიკულად ჩამოშლილ სახელმწიფო ინსტიტუტებზე, არაფორმალურ მმართველობასა და ამ რეალობაში მოახლოებული არჩევნების მნიშვნელობაზე ისაუბრა.

„დღეს, საქართველოში სახელმწიფო და სახელმწიფო ინსტიტუტები აღარ არსებობს, პრაქტიკულად ჩანს, რომ დღეს ქვეყანა იმართება მაფიოზური მენტალიტეტის მქონე ადამიანებისგან, ვისაც აწუხებს საკუთარი ჯიბე, საკუთარი შემოსავალი, საკუთარი კარგად ყოფნა, ვისთვისაც მთავარია ქვეყანაში იყოს კორუფცია და ჰქონდეს გავლენა. საქართველოში აღარ არსებობს სახელმწიფო ინსტიტუტები, აღარ არსებობს ხალხთან ანგარიშვალდებული მთავრობა. ეს არ ეხება ერთ ინსტიტუტს, ეს არ ეხება ერთ ადამიანს, რასაც ვხედავთ და ვისმენთ, რომ ასეთ ქვეყანაში ჩვენ, ჩვენს შვილებს არ გვექნება მომავალი თუ არ შევცვლით. ამიტომ დამატებით იმ ყველაფრისა, რაც აქამდე იყო, დამატებით გაჭირვების, დამატებით უკუსვლის, დამატებით უიმედობის, ამ ყველაფრის დამატებით დღეს კიდევ ერთ მიზეზს ვხედავთ, რატომაც უნდა შევცვალოთ ჩვენი ცხოვრება და ქვეყანა, უნდა შევცვალოთ იმიტომ, რომ თუ საქართველო იქნა მაფიოზური, კრიმინალური მენტალიტეტის მქონე ადამიანების ფულის საშოვნელი ქვეყანა, ჩვენ შვილებს არ ექნებათ მომავალი, ჩვენ შვილებს უნდა ჰქონდეთ მომავალი და არა მათ შვილებს, ვინც თქვენს ფულს იპარავს დღეს“, - განაცხადა ბაქრაძემ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს