შპს „საქართველოს გაზის ტრანსპორტირების კომპანია“ თელავის გაზგამანაწილებელ სადგურში სარემონტო-სარეაბილიტაციო სამუშაოების განხორციელებას გეგმავს.

როგორც „ინტერპრესნიუსს“ „საქართველოს გაზის ტრანსპორტირების კომპანიიდან“ აცნობეს, 17 ოქტომბერს, 12:00 საათიდან 16:00 საათამდე გაზმომარაგება შეუწყდება ქალაქ თელავისა და თელავის მუნიციპალიტეტის სოფლების: შალაურის, კურდღელაურის, ვარდისუბნის, ყარაჯალას, რუისპირისა და იყალთოს აბონენტებს.

შპს „საქართველოს გაზის ტრანსპორტირების კომპანია" დისკომფორტის გამო მოსახლეობას ბოდიშს უხდის.