მაიკ პომპეო - საუდის არაბეთის მეფე და მაღალჩინოსნები პირობას დებენ, რომ „ვაშინგტონ პოსტის“ ჟურნალისტის, ჯამალ ჰაშოღის საქმეს საგულდაგულოდ გამოიძიებენ

საუდის არაბეთის ხელმძღვანელობამ ჟურნალისტ ჯამალ ჰაშოღის საქმეში ყველა დამნაშავის დასჯის პირობა დადო. ამის შესახებ ჟურნალისტებს აშშ-ს სახელმწიფო მდივანმა მაიკ პომპეომ ელ-რიადში განუცხადა, სადაც ამ საკითხზე სასაუბროდ საგანგებოდ ჩავიდა.

პომპეოს თქმით, ქვეყნის მეფემ, პრინცმა და მაღალჩინოსნებმა ცალსახა პირობა დადეს, რომ საქმეს საგულდაგულოდ გამოიძიებენ და ნებისმიერ დამნაშავეს მკაცრად დასჯიან, მიუხედავად რანგისა და ტიტულისა.

ერთ-ერთი ჟურნალისტის კითხვას, ცოცხალია თუ არა ჰაშოღი, პომპეომ უპასუხა: „ამაზე საუბარი არ მინდა“.

აშშ-ი მცხოვრები საუდელი ჟურნალისტი ჯამალ ჰაშოღი, 2 ოქტომბერს სტამბოლში, საუდის არაბეთის საკონსულოში მისვლისთანავე გაუჩინარდა. ის საუდის პრინცისა და ხელისუფლების მიმართ მწვავე კრიტიკით გამოირჩეოდა. ოფიციალური ანკარა მიიჩნევს, რომ „ვაშინგტონ პოსტის“ ჟურნალისტი საკონსულოში მოკლეს.

ავთანდილ წულაძე - მაკრონის, შოლცისა და ტუსკის შეხვედრის შემდეგ ცხადი გახდა, რომ უკრაინის იარაღის გარეშე დატოვების გეგმა ჩავარდა, ევროპისა და უკრაინა-რუსეთს შორის სამხედრო დაპირისპირება გაგრძელდება  და გაღრმავდება
„საქართველო მეცნიერების ქვეყანაა“ - აკადემიკოსი როინ მეტრეველი
ქართული პრესის მიმოხილვა 18.03.2024
კავკასიის ავტომარკეტი - ავტომობილის ყიდვის ახლებური გამოცდილება
ქართული ღვინის წარმატება იაპონიაში - TSV Estate Winery-მ განსაკუთრებული მოწონება დაიმსახურა
ახალი „ბაკურიანი“ ხილის გემოთი - ნატურალური მინერალური წყალი, ბაკურიანის მთებიდან, ნაკლები შაქრით