სოფიო კილაძე - 14 ოქტომბერს ვიქტორ ჯაფარიძის საპატიმროში შესვლით კანონი არ დარღვეულა - პირიქით, ადამიანის უფლებებისთვის სასარგებლო ნაბიჯი იყო

უცნაურია, რატომ ჩნდება კითხვის ნიშნები დეპუტატ ვიქტორ ჯაფარიძის საპატიმრო დაწესებულებაში შესვლასთან დაკავშირებით - პირიქით, ადამიანის უფლებებისთვის სასარგებლო ნაბიჯია, როცა პატიმარი მასთან პარლამენტის კონკრეტული წევრის შესვლას ითხოვს და ის შედის, - ამის შესახებ ჟურნალისტებს პარლამენტის ადამიანის უფლებათა დაცვის კომიტეტის თავმჯდომარემ სოფო კილაძემ განუცხადა.

“14 ოქტომბერს დეპუტატ ვიქტორ ჯაფარიძის საპატიმრო დაწესებულებაში შესვლით კანონი არ დარღვეულა. პარლამენტის თავმჯდომარეს ირაკლი კობახიძეს ჰქონდა შესაძლებლობა, მისთვის პატიმართან შესვლის შესაძლებლობა მიეცა. პირიქით, ადამიანის უფლებებისთვის სასარგებლო ნაბიჯია - როცა პატიმარი მასთან პარლამენტის კონკრეტული წევრის შესვლას, ამ შემთხვევაში ყველა მაქსიმალურად უნდა შეეცადოს, რომ პატიმარი მოინახულოს“, - განაცხადა სოფიო კილაძემ.

პარლამენტის წევრი ვიქტორ ჯაფარიძე მირზა სუბელიანთან ციხეში პარლამენტის თავმჯდომარის ბრძანებით ბოლოს 14 ოქტომბერს - კვირა დღეს შევიდა, როცა “რუსთავი2“-მა მათი აუდიოჩანაწერის P.S.-ში გასვლა დააანონსა. ამ დღეს არის გამოცემული პარლამენტის თავმჯდომარის ირაკლი კობახიძის ბრძანებაც.

საქართველოს პარლამენტის თავმჯდომარემ თავისივე თანაპარტიელს ციხეში შესვლის ნებართვა ჯამში 5-ჯერ მისცა. ჯაფარიძე სუბელიანთან სასჯელაღსრულების დაწესებულებაში მიმდინარე წლის 6 ივლისს, 20 ივლისს, 10 სექტემბერს, 11 ოქტომბერსა და 14 ოქტომბერს შევიდა. ბრძანებები, პარლამენტის თავმჯდომარის, ირაკლი კობახიძის ხელმოწერით, On.ge-მ გაავრცელა.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
აკადემიკოსი გიორგი ჯაფარიძე - ქვეყანა რომ წარმოდგენილი იყოს მსოფლიოს სამეცნიერო რუკაზე, აუცილებელია მასში მცხოვრები მეცნიერები თავისი საქმიანობით მონაწილეობდნენ საერთაშორისო სამეცნიერო პროცესში
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს