ქერჩის პოლიტექნიკურ კოლეჯში აფეთქების შედეგად დაღუპულთა რიცხვი 13-მდე გაიზარდა, დაშავებულია 50 ადამიანი. ამის შესახებ რუსეთის საგამოძიებო კომიტეტის ოფიციალურმა წარმომადგენელმა სვეტლანა პეტრენკომ განაცხადა.

„ამ მომენტისთვის ცნობილია, რომ 13 ადამიანი დაიღუპა, ხოლო 50 კი დაშავდა. მათი უმეტესობა მოზარდები არიან“, - განაცხადა მან.

ქერჩში მომხდარ აფეთქებას გამოძიებამ ტერორისტული აქტის კვალიფიკაცია მისცა.

რუსეთის პრეზიდენტის პრესმდივნის დიმიტრი პესკოვის განცხადებით, რამდენიმე უწყებამ მომხდარის შესახებ უკვე აცნობა ვლადიმერ პუტინს.

იხილეთ ვიდეო: ქერჩის პოლიტექნიკურ კოლეჯში აფეთქება მოხდა: დაღუპულია 13 ადამიანი, დაშავდა 50