მნიშვნელოვანია რეფორმებზე მუშაობის გაგრძელება. სასამართლო რეფორმა ძალიან მნიშვნელოვანია, - ამის შესახებ ჟურნალისტებს საქართველოში ევროკავშირის ელჩმა კარლ ჰარცელმა განუცხადა.

მისივე თქმით, სასამართლო სისტემა ნდობითა და დამოუკიდებლობით უნდა სარგებლობდეს.

„ეს ის ინსტიტუტია, რომელიც ნდობით და დამოუკიდებლობით უნდა სარგებლობდეს. ეს ის საკითხია, რომელზეც მუშაობა უნდა გაგრძელდეს. ბრიუსელში ამას ყოველთვის დიდ ყურადღებას ვაქცევთ“, - აღნიშნა კარლ ჰარცელმა.

ევროკავშირის ელჩმა ასევე აღნიშნა, რომ მიესალმება იმ ფაქტს, რომ განათლების საკითხს მნიშვნელოვანი ადგილი უკავია საქართველოს მთავრობის დღის წესრიგში.

„ევროკავშირი მიიჩნევს, რომ განათლება ის სფეროა, რომელიც ძალიან მნიშვნელოვანია, რათა საზოგადოება გაიზარდოს. უზრუნველყოფილი უნდა იყოს ის, რომ განათლებულმა მოქალაქეებმა ის ბენეფიტები მიიღონ, რასაც ასოცირების ხეკლშეკრულება და თავისუფალი ვაჭრობის შესახებ ხელშეკრულება ითვალისწინებს“, - განაცხადა მან.