პოლიციის მთავარ სამმართველოში ამ წუთებში ახალგაზრდა იურისტთა ასოციაციის ადვოკატი რეზო აჭარაძე მივიდა, რომელიც "გირჩის" ლიდერის ზურაბ ჯაფარიძის ინტერესებს დაიცავს. როგორც რეზო აჭარაძემ ჟურნალისტებთან საუბრისას განაცხადა, ჯერჯერობით იგი საქმის მასალებს არ გაცნობია.
„რაიმე დეტალები ამ მომენტისთვის ჩემთვის უცნობია. ახლა უნდა შევიდე, რათა უშუალოდ გავესაუბრო ზურაბ ჯაფარიძეს და ინფორმაცია მივიღო გამომძიებლისგან", - განაცხადა აჭარაძემ.
ადვოკატისათვის უცნობია, იმყოფებიან თუ არა სხვა დაკავებულებიც პოლიციის სამმართველოში.
როგორც შინაგან საქმეთა სამინისტროში განმარტავენ, ზურაბ ჯაფარიძე პოლიციას განყოფილებაში ნებაყოფლობით გაყვა.როგორც შს სამინისტროში განმარტავენ, გამომდინარე იქიდან, რომ ზურაბ ჯაფარიძე პრეზიდენტობის კანდიდატია, მას პოლიციამ ნებაყოფლობით გაყოლა შესთავაზა, რაზეც ჯაფარიძემ თანხმობა განაცხადა.
შეგახსენებთ, რომ დღეს, მარიხუანას ე.წ. ფესტივალის ორგანიზებისა და პოლიციის მიმართ წინააღმდეგობის გაწევისთვის „დედაენის“ ბაღში სულ 11 პირი დააკავეს.
იხილეთ ვიდეო: ზურაბ ჯაფარიძე დიდ დიღომში, პოლიციის მთავარ სამმართველოში გადაიყვანეს