ქვეყანა დგას ორ ფეხზე, ერთი არის განათლება და მეორე- ჯანდაცვა,- ამის შესახებ "ქართული ოცნების" მიერ მხარდაჭერილმა კანდიდატმა სალომე ზურაბიშვილმა სამედიცინო სფეროს წარმომადგენლებთან შეხვედრის დასრულების შემდეგ განაცხადა.

სალომე ზურაბიშვილი დღეს სამედიცინო სფეროს წარმომადგენლებს შეხვდა.

„დღეს შეხვედრა მქონდა ექიმებთან სხვადასხვა დარგიდან, სამედიცინო სფეროდან. ძალიან საინტერესო იყო იმით, რომ გამოჩნდა არა მხოლოდ ის ნაკლოვანებები, რაც არსებობს და რაზეც უნდა ვიმუშაოთ, ასევე ის დიდი პოტენციალი, რაც ამ სფეროში არსებობს და რისი განვითარება შეგვიძლია", - განაცხადა სალომე ზურაბიშვილმა.