ილია მეორე - ჩვენ ვცხოვრობთ ურთულეს დროს, როცა სიმართლე და სიყალბე ექიშპებიან ერთმანეთს - ადამიანს უჭირს გაიგოს, სად არის სიმართლე და სად სიყალბე

გულის სიწმინდე და სიწრფელე ყველაფერში უნდა ჰქონდეს ადამიანს. არ უნდა იყოს, რომ ერთი თქვას, მეორეს ფიქრობდეს და მესამეს აკეთებდეს, - ამის შესახებ სრულიად საქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ქადაგებისას ბრძანა.

ილია მეორემ ცხოვრების სირთულეზე და ამ კონტექსტში სიმართლესა და სიყალბეზე იქადაგა.

„ჩვენ ვცხოვრობთ ურთულეს დროს, როცა სიმართლე და სიყალბე ექიშპებიან ერთმანეთს. ადამიანს უჭირს გაიგოს სად არის სიმართლე და სად არის სიყალბე. მაგრამ, ადამიანმა უნდა გაიგოს წმინდა პავლე მოციქული ამბობს, შეიყვარე სიმართლე და მოიძულე ურჯულოება. აი, ეს უნდა გვახსოვდეს ჩვენ.

სიმართლე ღვთისაგან მოდის. ღმერთი აძლევს გაგებას სიმართლისა. ურჯულოება ბოროტისაგან არის და ყველაფერი დამოკიდებულია ჩვენზე, ჩვენ რას მივიღებთ სიმართლეს თუ ურჯულოებას.

ღმერთმა ინებოს, რომ განიწმინდოს ჩვენი გონება, გული.

წმინდა მეფე დავით წინასწარმეტყველი ხშირად ამბობს გულის შესახებ. გულის სიწმინდე და სიწრფელე ყველაფერში უნდა ჰქონდეს ადამიანს. არ უნდა იყოს, რომ ერთი თქვას, მეორეს ფიქრობდეს და მესამეს აკეთებდეს.

მე შევთხოვ უფალს, რომ უფალმა ყველა დაგვაჯილდოვოს გულის სიწმინდით", - განაცხადა პატრიარქმა ქადაგებისას.

იხილეთ ვიდეო: "გულის სიწმინდე და სიწრფელე ყველაფერში უნდა ჰქონდეს ადამიანს" - ილია მეორე

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს