ტაივანში, მსხვილი სარკინიგზო ავარიის შედეგად, 22 ადამიანი დაიღუპა და 171 დაშავდა. ამის შესახებ ადგილობრივი მედია იუწყება. გარდაცვლილთა შორის, ბოლო ინფორმაციით, მხოლოდ ერთია უცხოელი, კონკრეტულად კი აშშ-ის მოქალაქე.

ადგილობრივმა ხელისუფლებამ, ავარიას, ბოლო 37 წლის მანძილზე ყველაზე მასშტაბური უწოდა.

მატარებელი ქალაქ შულინიდან ტაიდუნისკენ მიემართებოდა. ავარიის მიზეზი ამ დრომდე უცნობია. ავარიის დროს მატარებელში 366 ადამიანი იმყოფებოდა.