გაგი მოსიაშვილი - საფუძველიც კი არ არსებობს, რომ ოთარ ფარცხალაძე საგამოძიებო უწყებაში მივიდეს

საფუძველიც კი არ არსებობს, რომ ოთარი მივიდეს საგამოძიებო უწყებაში, - ამის შესახებ ყოფილი მთავარი პროკურორის ოთარ ფარცხალაძის ადვოკატმა გაგი მოსიაშვილმა „პალიტრანიუსის“ გადაცემაში „360 გრადუსი“ განაცხადა. ადვოკატის თქმით, მას შემდეგ, რაც ლევან ყიფიანმა გამოძიებას ჩვენება მისცა, „ომეგას“ საქმეში ოთარ ფარცხალაძის რამე მონაწილეობა გამოირიცხა.

„თუ ჩვენ გვაინტერესებს სამართლებრივი პოზიცია, გახლავთ ის, რომ მას შემდეგ, რაც ლევან ყიფიანის მხრიდან გარკვეული სახის ინფორმაცია იქნა მიწოდებული, რითაც რეალურად, გამოირიცხა ოთარის მონაწილეობა, თუნდაც, ამ თემასთან დაკავშირებით აქ საგამოძიებო უწყებას უფლებაც არ აქვს, რომ რამე პროცესი, საგამოძიებო მოქმედება ჩაატაროს. რაც შეეხება იმას, მონაწილე პირები რას საუბრობენ და ვინ რა განზრახვით, ეს ცალკე განხილვის საგანია. ისევ გრძელდება ოთარის დისკრედიტაცია. როცა ჩვენ ვსაუბრობთ, უნდა მივიდეს თუ არა საგამოძიებო უწყებაში ოთარი, კითხვაზე პასუხი არის, რომ საფუძველიც კი არ არის, რომ ოთარი მივიდეს საგამოძიებო უწყებაში“,- განაცხადა მოსიაშვილმა.

ბოლო დროს „ომეგა ჯგუფის“ საქმესთან დაკავშირებით არაერთი ფარული აუდიოჩანაწერი გავრცელდა, სადაც ყოფილი მთავარი პროკურორის ოთარ ფარცხალაძის სახელიც ფიგურირებს.

იხილეთ ვიდეო: "ფაქტია, რომ კიდევ გრძელდება ოთარის დისკრედიტაცია" - გაგი მოსიაშვილი

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს