საჯარო სამსახურის ბიურომ თანამდებობის პირთა ქონებრივი მდგომარეობის დეკლარაციების ელექტრონული საძიებო სისტემა შეიმუშავა.

;სისტემის მეშვეობით შესაძლებელია ინტერნეტში ნებისმიერი დეკლარაციის მოძიება და უფასოდ ჩამოტვირთვა. აღნიშნული სისტემის ამოქმედებამდე მოქალაქეებს თანამდებობის პირის ქონებრივი მდგომარეობის დეკლარაციის მისაღებად უხდებოდათ განცხადების დაწერა, ამის შემდეგ ხდებოდა განცხადების განხილვა, რაც დროს საჭიროებდა. ამასთან, ინფორმაციის გაცემა ხდებოდა მხოლოდ ასლის გადაღებისთვის დადგენილი შესაბამისი თანხის გადახდის შემდეგ.

თანამდებობის პირთა ქონებრივი მდგომარეობის დეკლარაციების ელექტრონული საძიებო სისტემის პრეზენტაცია ხვალ, 11.00 საათზე, საჯარო სამსახურის ბიუროში გაიმართება.