რუსეთში მცხოვრები მომღერალი დიანა ღურწკაია უარყოფს ვახტანგ კიკაბიძის განცხადებას, თითქოს რუსეთში სიმღერის საშუალებას არ აძლევენ და საქართველოში დაბრუნების სურვილი აქვს.

გაზეთ “ვზგლიადის” ინფორმაციით, დიანა ღურწკაია ამბობს, რომ კიკაბიძის ამ განცხადებით გაკვირვებულია.

“არსებობოს გარკვეული პრობლემები, თუმცა რუსეთში კონცერტებს გამართვას არავინ მიშლის. უნდა აღვნიშნო, რომ არც საქართველოში მელიან გაშლილი ხელებით”, - აღნიშნა ღურწკაიამ.

როგორც “ვზგლიადი” წერს, ვახტანგ კიკაბიძემ გაზეთ “კვირის პალიტრასთან” საუბრისას განაცხადა; - დაურეკა დიანა ღურწკაიას ძმამ, რობერტმა და უთხრა, რომ დიანას რუსეთში გამოსვლა აუკრძალეს, მოხსნეს ყველა ტელეპროგრამიდან.

კიკაბიძე ფიქრობს, რომ ღურწკაიას მიმართ ასეთი დამოკიდებულება იმ ფაქტმა განაპირობა, რომ დიანა ღურწკაიამ სპორტის სასახლეში, პრეზიდენტის მხარადამჭერ საღამოში მიიღო მონაწილეობა.;