სასტუმრო ~რედისონ სას ივერიაში~ დღეს, 14:00 საათზე ადვოკატთა სკოლის პრეზენტაცია გაიმართება.

როგორც ~ინტერპრესნიუსს~ „ადვოკატთა სკოლიდან“ აცნობეს, ინოვაციური პროექტი; საადვოკატო ბიუროს „გაბუნია და პარტნიორები“ ძალისხმევით ხორციელდება. პროექტის პარტნიორები არიან თბილისის სახელმწიფო უნივერსიტეტი და ევროპის საარბიტრაჟო პალატა

„ადვოკატთა სკოლის“ დაარსების მიზანია ახალგაზრდა იურისტებისთვის საადვოკატო პრაქტიკისთვის დამახასიათებელი უნარ-ჩვევების სწავლება პრაქტიკული მეცადინეობებისა და ტრეინინგების ფორმით, აგრეთვე სკოლის ლექტორი-პრაქტიკოსი ადვოკატების მიერ წარმოებულ სამოქალაქო და ადმინისტრაციული სამართლის სასამართლო პროცესებზე მათი დასწრება -ჩართულობის უზრუნველყოფა. ადვოკატთა სკოლაში მიღება იწარმოებს წინასწარი ტესტირების საფუძველზე.