ჯემალ გოგიტიძე საქართველოში ჩამოასვენეს

მოსკოვში გარდაცვლილი ჯემალ გოგიტიძე დღეს საქართველოში ჩამოასვენეს. ამასთან დაკავშირებით თბილისის აეროპორტში ოჯახის ახლობლები, აგრეთვე, ირინა სარიშვილი და ვალერი კვარაცხელია იყვნენ მისული.

ცხედარს დღესვე ბათუმში გადაასვენებენ. 49 წლის ჯემალ გოგიტიძე მოსკოვში 20 დეკემბერს გარდაიცვალა. გარდაცვალების ოფიციალურ მიზეზად გულის შეტევა სახელდება.;

ჯემალ გოგიტიძე საქართველოს პარლამენტის რამდენიმე მოწვევის დეპუტატი და აჭარის ავტონომიური რესპუბლიკის შინაგან საქმეთა მინისტრი იყო.