პარლამენტის ილია ჭავჭავაძის სახელობის ეროვნულ ბიბლიოთეკაში დღეს მათემატიკის მასწავლებელთათვის მომზადებული მეთოდური სახელმძღვანელოების პრეზენტაცია გაიმართება.

როგორც `ინტერპრესნიუსს~ პედაგოგთა და მეცნიერთა თავისუფალი პროფკავშირიდან აცნობეს, მასწავლებელთა პროფესიული განვითარების მიზნით, პედაგოგთა თავისუფალმა პროფკავშირმა გამოსცა ოთხი დამხმარე სახელმძღვანელო საბაზო-საშუალო საფეხურების მათემატიკის მასწავლებელთათვის, სასერტიფიკატო გამოცდების პროგრამით: ალგებრა და ანალიზის საწყისები; სიმრავლეთა თეორია, ლოგიკა, გეომეტრია; ალბათობის თეორიის და სტატისტიკის ელემენტი და მათემატიკის სწავლების მეთოდიკის საკითხები. სახელმძღვანელოები მათემატიკის; პედაგოგებს მომავალი სასერტიფიკატო გამოცდების მოსამზადებლად; დაეხმარებათ.

პრეზენტაციაზე მიწვეულები არიან სხვადასხვა საგანმანათლებლო დაწესებულების წარმომადგენლები, ასევე განათლებისა და მეცნიერების მინისტრი.