გორის მუნიციპალიტეტის ტერიტორიაზე დასუფთავების სამუშაოები გრძელდება. ამის შესახებ “ინტერპრესნიუსს” შიდა ქართლის სამხრეო ადმინისტრაციიდან აცნობეს.

სოფლებში ბერბუკში, შავშვებში, კარალეთში გაიწმინდა სტიქიური ნაგავსაყრელები. ნაგვის გატანის პრობლემა მოუგვარდათ ბერბუკის კოტეჯებში შესახლებულ დევნილებსაც.;

დასახლებაში საყოფაცხოვრებო ნარჩენები დღემდე სტიქიურად იყრებოდა სხვადასხვა ადგილას და ეპიდემიების გავრცელების საშიშროებას ქმნიდა. ადგილობრივი ხელისუფლების წარმომადგენელთა ინიციატივით და დევნილთა მოთხოვნით დასუფთავების სამსახურმა შპს ,,არქმშენსტუდია - 2002” –მა ახალ დასახლებაში ნაგვის 24 ბუნკერი ჩადგა, რომელიც თვეში ექვსჯერ დაიცლება. აღნიშნული მომსახურებით 138 დევნილი ოჯახი ისარგებლებს.;

ბუნკერების დადგმა უახლოეს მომავალში იგეგმება შავშვებისა და ხურვალეთის ახალ დასახლებებშიც, სადაც 316 დევნილი ოჯახი ცხოვრობს.