ტაბახმელაში 23 თებერვალს საქართველოს გასაბჭოების შედეგად დაღუპულ მებრძოლებს პატივს მიაგებენ.

როგორც “ინტერპრესნიუსს” ომის ვეტერანთა საქმეების დეპარტამენტიდან აცნობეს, საქართველოში ბოლშევიკების შემოსვლის დღეს დაღუპულთა პატივსაცემად; გარკვეული ღონისძიებები მოეწყობა.

კოჯორი-ტაბახმელას გზაზე მდებარე იუნკერთა ობელისკს დაღუპულ; მებრძოლთა მემორიალს ყვავილებით შეამკობენ და გარდაცვლილთა სულის მოსახსენიებელ პანაშვიდს გადაიხდიან. ღონისძიებაში შრომის, ჯანმრთელობისა და სოციალური დაცვის მინისტრი ალექსანდრე კვიტაშვილი და თავდაცვის სამინისტროს ხელმძღვანელი პირები, ჩოხოსნები მიიღებენ მონაწილეობას.

მოგვიანებით, “კინოს სახლში” საქართველოს გასაბჭოებაზე ფილმის ჩვენებაც მოხდება.

1921 წლის 23 თებერვალს კოჯრისა და ტაბახმელას მიდამოებში ქართულ ჯარსა და წითელ არმიელებს შორის უთანასწორო ბრძოლა გაიმართა. კოჯრის მიდამოებში დაღუპულ იუნკერთა უმრავლესობის ვინაობა დღემდე უცნობია.