თბილისის ახალი ვიცე-მერი დავით ნინიძე გახდება, - ამის შესახებ "ინტერპრესნიუსს" დედაქალაქის ყოფილმა ვიცე- მერმა მამუკა ახვლედიანმა, საკრებულოს სხდომის დასრულების შემდეგ განუცხადა.

მისივე თქმით, დედაქალაქის მერი გიგი უგულავა დავით ნინიძეს ახალ თანამდებობაზე ამ კვირაში წარადგენს. დავით ნინიძეს მანამდე მერის მოადგილის თანამდებობა ეკავა.

როგორც თავად ყოფილი ვიცე მერი და ამჟამად ახლად არჩეული საკრებულოს თავმჯდომარის მოადგილე მამუკა ახვლედიანი აცხადებს, მას უფრო მეტი პასუხისმგებლობა დაეკისრა - არჩეულია მთაწმინდის მაჟორიტარ დეპუტატად და ყველანაირად შეეცდება, იმ მხარდამჭერების ნება და სურვილი გამოხატოს, რომლებმაც ის აირჩიეს.