ახალ საკრებულოში ოპოზიცია ხელისუფლებას სერიოზულ წინააღმდეგობას გაუწევს, - ამის შესახებ "ქრისტიან-დემოკრატების" ერთ-ერთმა ლიდერმა ინგა გრიგოლიამ ჟურნალისტებს განუცხადა.

როგორც ინგა გრიგოლიამ თქვა, იგი კმაყოფილია დღევანდელი პირველი სხდომით და თვლის, რომ 11 ოპოზიციური კანდიდატი, რომელიც წარმოდგენილია საკრებულოში, სერიოზული ძალა იქნება. ხელისუფლებას მოუწევს ოპოზიურ რეჟიმში მუშაობა და ისინი ყოველთვის შეეცდებიან შეახსენონ უმრავლესობას, რომ მარტო აღარ არიან საკრებულოს სხდომებზე.

ინგა გრიგოლიამ განაცხადა, რომ ისინი სხდომის დასრულების შემდეგ შეიტანენ განაცხადს ფრაქციის შექმნის შესახებ. "ქრისტიან-დემოკრატებს" ეყოლებათ ფრაქცია საკრებულოში და იგი იქნება ამ ფრაქციის თავმჯდომარე.

ასევე საკრებულოში იქნება "ნაციონალური მოძრაობის" ფრაქცია და ფრაქცია ეყოლებათ ასევე "ჩვენი საქართველო – თავისუფალ დემოკრატებს".