"საქართველოს ბანკს" ამ დროისთვის American Express-ის 15 000-ზე მეტი საკრედიტო ბარათი აქვს გაყიდული

"საქართველოს ბანკს" ამ დროისთვის American Express-ის 15 000-ზე მეტი საკრედიტო ბარათი აქვს გაყიდული. ამის შესახებ ბანკის გენერალურმა დირექტორმა ირაკლი გილაურმა დღეს გამართულ პრესკონფერენციაზე განაცხადა.

მისივე თქმით, საკრედიტო ბარათის თვიური გაყიდვები 3 000 აღწევს. მიმდინარე წლის ბოლომდე კი, გილაურის განცხადებით, გაყიდული ბარათების რაოდენობა 30 000-ს მიაღწევს.

~American Express-ს ბიზნესით კმაყოფილები ვართ. ~საქართველოს ბანკი~ გააგრძელებს ამ თანამშრომლობას~, - აღნიშნა გილაურმა.

~საქართველოს ბანკს" American Express-თან ერთად დღეიდან ბაზარზე ახალი American Express Blue Card-ს საკრედიტო ბარათი გამოაქვს. ~საქართველოს ბანკმა~ American Express-თან ერთად საკრედიტო ბარათი პირველად 2009 წლის ნოემბერში გამოუშვა. ბაზარზე უკვე გამოსულია American Express Gold Card-ი და American Express Green Card-ი.