წერეთლის გამზირზე ავტოსაგზაო შემთხვევის შედეგად 22 წლის ორსული გოგონა 7 თვის შვილთან ერთად ადგილზე დაიღუპა.

"ჯიპის" ტიპის ავტომანქანა 22 წლის ქეთი ზარანდიას, მის შვილს ილია გულიას და მათთან ერთად მყოფ კიდევ ერთ ბავშვს დაეჯახა. ზარანდია 7 თვის შვილთან ერთად ადგილზე გარდაიცვალა. მათთან ერთად მყოფი ბავშვი იაშვილის კლინიკაში, კრიტიკული მედიცინის განყოფილებაშია გადაყვანილი. ექიმების განცხადებით, ბავშვის მდგომარეობა სტაბილურია და სასიცოცხლო ფუნქციები შენარჩუნებული აქვს. მოტეხილობები არ აღენიშნება.

"ჯიპის" მძღოლი ადგილიდან მიიმალა. მიმდინარეობს გამოძიება.