ოთარ იოსელიანის წიგნის პრეზენტაცია დღეს "თიბისი ბანკის" საგამოფენო დარბაზში გაიმართება.

შოთა რუსთაველის თეატრისა და კინოს უნივერსიტეტმა მოამზადა და გამოსცა ცნობილი ქართველი რეჟისორის ოთარ იოსელიანის წიგნი “ლუი”, რომელიც რეჟისორებისა და კინო ხელოვნებით დაინტერესებული ყველა ადამიანისთვის არის განკუთვნილი. “ლუი” საქართველოს კინემატოგრაფიის ეროვნული ცენტრის ფინანსური მხარდაჭერით გამოიცა.

წიგნის პრეზენტაციასთან ერთად, გაიმართება გამოფენა, სადაც წარმოდგენილი იქნება ოთარ იოსელიანის ხელით შესრულებული ნახატები – კადრირება ფილმისთვის, რომელიც რეჟისორს არ გადაუღია.

აღსანიშნავია, რომ თეატრისა და კინოს უნივერსიტეტის მოწვევით 5, 6 და 7 მარტს ოთარ იოსელიანი ატარებს მასტერკლასს რეჟისურაში თემაზე “კადრირება”.