8 ოქტომბერს გერმანიაში, ბერლინში საქართველოს ახალი საელჩო გაიხსნება .

ამის შესახებ დღეს საგარეო საქმეთა სამინისტროში გამართულ ტრადიციულ ბრიფინგზე მინისტრის მოადგილემ ნინო კალანდაძემ განაცხადა.

მისივე თქმით, ქართულმა მხარემ ახალი საელჩოს შენობა შეიძინა. კალანდაძის თქმით, საელჩოს უკეთესი ტერიტორიული მდებარეობა აქვს და ახალი საელჩოს გახსნა ორი ქვეყნის ურთიერთობების კიდევ უფრო გაღრმავებას უზრუნველყოფს. "ბერლინში ახალი საელჩო შევიძინეთ, რომელიც 8 ოქტომბერს ოფიციალურად გაიხსნება. მას ბევრად უფრო უკეთესი ტერიტორიული მდებარეობა აქვს. ახალი საელჩოს გახსნა ორმხრივი ურთიერთობების გაღრმავებაზე კიდევ უფრო აისახება", - განაცხადა ნინო კალანდაძემ.